Шәһри Казан

Коронавирус йоктыру очраклары кими, ләкин вазгыять тотрыклы түгел әле

«Авыру очракларының кимүен исәпкә алып, без чикләүләрне бетерү буенча беренче этапка ирештек һәм икенче этапка күчү өчен критерийларга якыная башладык», — диде Марина Патяшина.

Covid-19 авыруының яңа очраклары арту темпы кимүен дәвам итә һәм бу атнада 2,2 процент тәшкил итте. Бу хакта Татарстан Хөкүмәте Йортында узган киңәшмәдә Роспотребнадзорның Татарстан Республикасы буенча идарәсе башлыгы, республика буенча баш дәүләт санитария табибы Марина Патяшина сөйләде. Бу турыда Татарстан Президенты матбугат хезмәте хәбәр итә.

Агымдагы атнада коронавирус йоктыруның 445 очрагы ачыкланган, узган атнада — 549. Коронавирус теркәлгәннән алып, Татарстанда 3142 кеше инфекция йоктырган.

Ил буенча 100 мең кешегә 387,6 очрак туры килә, дип хәбәр итте Марина Патяшина (144,3 очрак — Мәскәүдән башка), республикада күрсәткеч 100 мең кешегә 80,5 очрак тәшкил итә.

Реклама

Татарстан төбәкләрнең гомумроссия рейтингында төшүен дәвам итте һәм 65 урында тора (Идел буе федераль округы төбәкләре арасында 10  урын).

«Авыру очракларының кимүен исәпкә алып, без чикләүләрне бетерү буенча беренче этапка ирештек һәм икенче этапка күчү өчен критерийларга якыная башладык», — диде Марина Патяшина.

Роспотребнадзор Татарстан Республикасы буенча идарәсе башлыгы сүзләренчә, әлегә вазгыять тотрыклы дип әйтеп булмый.

Чыганак: Татар-информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: