Сабантуй юк, Президент котлавы бар

Бу хакта Сургут татарларының социаль челтәрләрендәге төркемнәрендә хәбәр ителә.

"Ни кызганыч, быелгысы елны халкыбызның "Сабан туе" бәйрәме башкача яңа форматта уза. ХМАО - Югра төбәгендәге шәһәрләр онлайн - форматта бәйрәмнәрне башлап җибәрде. Видеоязмаларны бергәләп карыйк! Инде күп гасырлар дәвамында Сабантуй – безнең өчен иң яраткан һәм көтеп ала торган шатлыклы вакыйгаларның берсе иде. Аны Онлайн - форматта кабул итү күпләргә авыр. Зинһар, аңлап кабул итегез! Алдагы елларда бу бәйрәмне исәнлектә, бергәлектә каршы алырга язсын! Исән - саулар булыйк!", дип яза җирле татарлар.

Һәм әлеге хәбәр астында Татарстан Президенты Рөстәм Миңнехановның Сабантуй белән котлавын да җиткерәләр.