16+
#Кыскача яңалыклар 28 апрель 2026, 15:37
1360
0
3

Азнакайда өч игезәк туган: яшь гаиләгә — өч тапкырлы бәхет!

28 апрель 2026, 15:37
1360
0
3

Азнакай районында зур шатлык: Сергей Викторович һәм Алия Салихҗан кызы Саргандаевлар гаиләсендә өч игезәк малай дөньяга килгән.

Скопировать ссылку

Азнакай районында зур шатлык: Сергей Викторович һәм Алия Салихҗан кызы Саргандаевлар гаиләсендә өч игезәк малай дөньяга килгән.

Бу вакыйга район халкы өчен дә чын сөенеч булды, дип хәбәр итә ТР Министрлар Кабинеты ЗАГС идарәсе.

Бүген Азнакай ЗАГС бүлегендә сабыйларның тууын рәсми рәвештә теркәгәннәр һәм ата-аналарга өч ул туу турында таныклык тапшырылган.

Яшь әти-әни улларына матур һәм мәгънәле исемнәр сайлаган: Ярослав, Владислав һәм Мирослав. Бу исемнәр көч, тарих һәм өмет символы булып яңгырый.

Саргандаевлар гаиләсе узган елның июлендә генә корылган. Алия Азнакайның 3нче мәктәбендә тәрбия эшләре буенча киңәшче булып эшли, ә Сергей — бораулаучы. Кыска вакыт эчендә аларның гаиләсе өч нәни шатлык белән тулыланды.

Өч игезәк туу — сирәк очрый торган һәм бик зур бәхет. Бу — язмышның гаиләгә биргән кадерле бүләге.

Яшь әти-әниләрне ихластан котлыйбыз! Аларга сабырлык, саулык-сәламәтлек, ә өч батыр улларына бәхетле һәм якты киләчәк телибез.

Билгеле булганча, Татарстанда «Гаилә» илкүләм проекты гамәлгә ашырыла.

Кызыклы яңалыкларны күзәтеп бару өчен безнең МАХ каналына кушылыгыз. 

Вход на сайт

Восстановить пароль Зарегистрироваться

Язмага реакция белдерегез

3

0

0

1

0

Реакция язылган инде

Комментарийлар

Теркәлергә

Мөһим

loading

Безнең Вконтакте төркеменә языл!

Подписаться