Шәһри Казан

Быелның 1 июленнән коммуналь хезмәтләр өчен түләүләр арта

Быелның 1 гыйнварыннан халыктан коммуналь хезмәтләр өчен түләүләрне арттыру каралмаган, тик 1 июльдән арту көтелә.

Татарстанның Тарифлар буенча дәүләт комитеты рәисе Марат Зарипов бу турыда узган елдагы эшчәнлекләренә йомгак ясау җыелышында әйтте. Комитет газ, электр, җылылык, су һәм су бүлеп бирү, көнкүреш калдыкларын утильләштерү, транспорт хезмәтләре, социаль һәм сәнәгатькә карамаган хезмәт күрсәтүләр, шулай ук инженерлык челтәрләренә технологик тоташу бәяләрен һәм тарифларын көйли. Узган ел тарифларга кагылышлы 8000 карар чыгарылган.

– Тарифларны дәүләт тарафыннан көйләү узган ел 16,9 миллиард сум икътисади нәтиҗәлелек китерде, – диде Марат Зарипов.
Үз белдегеңдә югары бәя куеп яки дәүләт тарафыннан билгеләнелгән тарифларны санламыйча хуҗалык эшчәнлеге алып бару тыела. Комитет узган ел шундый очракларга кагылышлы 93 административ эш кузгаткан, гаеплеләргә 2,8 миллион сум штраф салынган.

Тарифлар буенча дәүләт комитеты тарафыннан көйләнелә торган хезмәт күрсәтүләр төрләренә тариф үзгәрешләре гамәлдәге закон нигезендә 1 июльдән кертелә. Ләкин тариф халыктан коммуналь хезмәтләр өчен алына торган түләүләр күләменең иң югаргы чик индексыннан артмаска тиеш. Россия Федерациясе хөкүмәте 2018 елның 1 июленнән халыктан коммуналь хезмәт күрсәтүләр өчен алына торган түләүләр күләменең үзгәртелергә мөмкин индексын Татарстанга 4,2 процент чикләрендә раслаган.

Шәһәрләрдә стационар электр плитәләре һәм электр җылыткычлары урнаштырылган йортларда яшәүчеләргә, шулай ук авыл җирлекләрендә яшәүчеләргә тарифлар мөмкин булган иң түбәнге 0,7 коэффициенты белән билгеләнгән.

Россиянең монополиягә каршы федераль хезмәте җитәкчесе урынбасары Виталий Королев үзенең чыгышында: “Россия төбәкләре арасында Татарстан коммуналь хезмәтләр өчен түләүләр җыемы күрсәткече буенча беренче урында тора”, – дип мактады.

Татарстан премьер-министры Алексей Песошин тарифлар буенча дәүләт комитетының узган елдагы эшчәнлегенә “яхшы” билгесе куйды.

Реклама

– Татарстанның икътисады үсештә, социаль өлкәгә дә нык игътибар бирелә, –диде Алексей Песошин. – Соңгы елларда гына да 203 балалар бакчасы, 42 мәктәп төзелде, 750 мәктәп капиталь төзекләндерелде. Фельдшер-акушер пунктларын, авыл клубларын төзекләндерү бара. Авылларда машина-трактор парклары, ындыр табаклары төзеләчәк. Тарифларны алга таба да ныклы контрольдә тотарга кирәк. Электр һәм җылылык тарифлары белән инвесторлар да кызыксына, шунлыктан, тарифларның үтәлеше инвестиция эшчәнлеге ягыннан караганда да әһәмиятле.

Татарстанда халык өчен 2018 елның 1 июленнән керәчәк түләү бәяләре

Елның беренче яртысында табигый газның бер кубометрына 5,48 сум түлибез.

1 июльдән газ өчен түләү 3,4 процентка кадәр артачак.

Электр 3,6 процентка күтәрелә. Өстәмә бәягә салымны (НДС) исәпкә алып, кВт сәгатькә 3,69 сумны тәшкил итәчәк.

Җылылык энергиясе 4,2 процентка арта. Катнаш һәм катнаш булмаган энергия чыганагының Гкал бәясе 1699,86 сумга төшәчәк.

Су белән тәэмин итү  3,5 процентка күтәрелә. Суның бер кубометры өчен халыктан 24,45 сум түләү алыначак.

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 21 апрель 2018 - 08:56
    Янгын чыга калса, ничек исән калырга?
    Кемеровода булган фаҗигадән соң күпләр яшәеш мәгънәсе турында уйлана, ваемсызлыктан арынып, тормышы иминлеге турында кайгырта башлады. Безнең өчен бу бер гыйбрәт булды.
    91
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13274
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1057
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    479
    0
    0
Ночной режим