Татар хатын-кызларына багышланган опера
Агымдагы елның 13 гыйнварында Тинчурин театрында Казан консерваториясе белән берлектә опера лабораториясе үз эшен башлап җибәрде.
Агымдагы елның 13 гыйнварында Тинчурин театрында Казан консерваториясе белән берлектә опера лабораториясе үз эшен башлап җибәрде.
Оештыручылар сүзләренә караганда, лабораториянең максаты – татар телендә өч кыска камералы опера булдыру. Беренчесе төрки халыклар данлаган Умай хатын-кыз алиһәсе исеме белән аталган.
– Минем татар хатын-кызлары турында бер проектым иде. Шуны күреп, Туфан Имаметдинов, әйдәгез татар хатын-кызлары турында шундый рухтагы берәр проект эшлибез, дип мөрәҗәгать итте. Без консерваториядән Анна Сокольскаяны һәм шагыйрә Йолдыз Миңнуллинаны чакырдык.
Кем ул хатын-кыз? Нәрсә алып килә ул мәдәнияткә? Нәрсә ул мәдәният коды? Ничек ул хатын-кыз белән бәйләнгән? Шушы беренче карашка гади кебек тоелган сораулар турында уйландык, – ди әлеге проектның кураторы, культуролог Энҗе Дусаева.
Лабораториядә шагыйрьләр, драматурглар: Лилия Гыйбадуллина, Энҗе Гыйззәтова, Динә Сафина, Ольга Тараканова, Эльвира Һадиева, Миләүшә Гафурова; композиторлар: Лилия Исхакова, Анастасия Костюкова, Алсу Сөнгатуллина, рәссам Лилия Имаметдинова катнаша. Тарихчылар Гүзәлия Гыйматдинова, Лилия Габдерәфыйкова “Умай”да эксперт буларак чыгыш ясый. Проектның менеджеры – Дая Бекирова.
– Опера – авыр жанр. Аның кабул итәргә авыррак. Без әз генә юмор өстәргә тырыштык, ләкин тарихи нигездә. Тарихи нигез итеп 1912 елда Мәкәрҗә ярминкәсендә булган вакыйганы сайлап алдык. Бу опера татар хатын-кызының тормыш авырлыкларын җиңәргә тырышуы хакында. Ләкин ул аның турында гына да түгел, – дип серләрне бераз ача төште шагыйрә Эльвира Һадиева.
Иҗатчылар конкурс аша сайлап алынган. Операны Тинчурин театрында тамаша кылып булачак.
Кызыклы яңалыкларны күзәтеп бару өчен Вконтактега кушылыгыз.
Комментарийлар