16+

Терапевт Альбина Шаһидуллина: «Даруны каһвә, чәй һәм сок белән эчәргә ярамый!»

Баш авыртамы, эч чәнчиме, борын тыгылганмы, хәл юкмы – даруга үреләбез. Күпләр еш кына үз белдеклеге белән дарулар куллана йә табибның кайчандыр язып биргән рецептын табып дәвалана башлый. Әмма мондый алым сәламәтлек өчен куркыныч булырга мөмкин, дип кисәтә терапевт, кардиолог Альбина Шаһидуллина.

Терапевт Альбина Шаһидуллина: «Даруны каһвә, чәй һәм сок белән эчәргә ярамый!»

Баш авыртамы, эч чәнчиме, борын тыгылганмы, хәл юкмы – даруга үреләбез. Күпләр еш кына үз белдеклеге белән дарулар куллана йә табибның кайчандыр язып биргән рецептын табып дәвалана башлый. Әмма мондый алым сәламәтлек өчен куркыныч булырга мөмкин, дип кисәтә терапевт, кардиолог Альбина Шаһидуллина.

– Кайберәүләр бар авыруга дәва – антибиотиклар дип уйлый. Ләкин алар бары бактерия китереп чыгарган чирләр вакытында гына файдалы. Грипп, тын юлларына салкын тигәндә, антибиотикларның файдасы бөтенләй юк. Киресенчә, үз белдеклегең белән дәвалану авыруны катлауландырырга, тагын да куркынычрак өзлегүләргә китерергә мөмкин, – дип кисәтә табиб.
Альбина Шаһидуллина: «Дару ул – авыруларга каршы корал, ләкин аны дөрес куллана белергә кирәк», – ди. Моның өчен табиб белән киңәшләшү мөһим.

Дарулар кулланганда нәрсәгә игътибар итәргә? Терапевт Альбина Шаһидуллинадан 5 киңәш

1. Даруны сатып алганда, куллану вакытына, дозасына, нинди формада чыгарылган булуына игътибар бирегез. Бер үк дару капсулалар, шәмчекләр, таблетка, сыекча формасында да булырга мөмкин. Даруның куллану инструкциясен җентекләп укып чыгыгыз. Даруның кемнәргә килешмәвен, нинди очракта зарарлы булырга мөмкин икәнен карагыз.

2. Даруны нәкъ менә инструкциядә күрсәтелгәнчә кулланырга кирәк. Әгәр тел астына куярга кушылган икән – куегыз, вакларга дигән икән – ваклап эчегез, йотып җибәрергә генә дисәләр – ватмый йотыгыз. Ашарга кадәр, ашаганнан соң эчәргә дигән сүзләр дә мөһим роль уйный. Кагыйдәләрне дөрес үтәмәсәң, даруның нәтиҗәлелеге кими. Шуны да истә тотарга кирәк: ашар алдыннан диелсә, ул ашарга 15-30 минут кала вакытны күз алдында тотып языла, ә ашаганнан соң диеп күрсәтелгән булса, тукланганнан соң 15-40 минуттан соң дару эчәргә ярый. Ач карынга дигәне иртәнге ашка кадәр 15-30 минут кала кулланырга дигәнне аңлата. Авыртуны тиз арада басарга кирәк булган даруларны тәүлекнең теләсә кайсы вакыты булуга карамастан эчәләр.

3. Даруны бары тик су белән генә эчәргә ярый. Каһвә, сок, башка эчемлекләр киңәш ителми. Дөрес, кайбер төр даруларны инструкциядә махсус эчемлекләр белән кулланырга кушалар.

4. Бөтен даруны да берьюлы эчмәгез. Бер даруны эчкәннән соң кимендә 30 минут көтәргә кирәк.

5. Антибиотикларны бары тик табиб белән киңәшләшеп кенә кулланырга рөхсәт ителә. Дозасын арттырырга, хәтта хәлегез яхшырса да, дару куллануны вакытыннан алда туктатырга ярамый.

Язмага реакция белдерегез

5

0

0

0

0

Реакция язылган инде

Комментарийлар

  • аватар Без имени

    0

    0

    Рэхмэт сезге Альбина и Эльвира. БИК кирэкле статьялар язасыз. Лилия, 49 яшь

    • аватар Без имени

      0

      0

      Рәхмәт, сәламәтлеккә кагылышлы тагын нинди темаларны курергә телисез? Безгә фикерләрегезне языгыз.

      Мөһим

      loading
      2
      X