16+

Васил Шәйхразиев: Конституция проектына кертелгән яңалыклар үтәлә дә башлады

«Бу вакыйганы без күптән көттек һәм әзерләндек. Бөтендөнья татар конгрессында Конституцияне яңарту турында карарны хупладык», — диде ул. 2010 елгы халык санын алу нәтиҗәләре буенча бөтен Россия буенча 5,3 млн татар яши һәм халык саны буенча татарлар икенче урында, диде ул.

Васил Шәйхразиев: Конституция проектына кертелгән яңалыклар үтәлә дә башлады

«Бу вакыйганы без күптән көттек һәм әзерләндек. Бөтендөнья татар конгрессында Конституцияне яңарту турында карарны хупладык», — диде ул. 2010 елгы халык санын алу нәтиҗәләре буенча бөтен Россия буенча 5,3 млн татар яши һәм халык саны буенча татарлар икенче урында, диде ул.

Татартстан Премьер-министры урынбасары Васил Шәйхразиев Россия Конституциясенә төзәтмәләр кертү буенча тавыш бирүдә катнашты. Ул Казанның 3нче гимназиясе бинасында урнашкан участокта булды.

Сайлау пунктына кергәндә Васил Шәйхразиевның температурасын үлчәделәр һәм шәхси саклану чаралары бирделәр. Аннары ул дистанция саклап сайлау комиссиясе әгъзасына паспортын ачып күрсәтте, бюллетень алды һәм тавыш бирү кабинасына китте. Васил Шәйхразиев тавыш бирергә гаиләсе белән килгән.

«Бу вакыйганы без күптән көттек һәм әзерләндек. Бөтендөнья татар конгрессында Конституцияне яңарту турында карарны хупладык», — диде спикер.

2010 елгы халык санын алу нәтиҗәләре буенча бөтен Россия буенча 5,3 млн татар яши һәм халык саны буенча татарлар икенче урында, диде ул.

«Шул ук вакытта, без Россия Конституциясенә төзәтмәләрдә милли республикаларга, телләргә, укытуга басым ясалуын яхшы аңлыйбыз. Пенсия белән тәэмин итү, яшьләр ялы, эш буенча тәкъдимнәр мөһим булып тора. Соңгы айларда Конституция проектына кертелгән яңалыкларның һәм тәкъдимнәрнең берничәсе үтәлә башлавына инандык. Бүгенге көнгә таянып, без иртәгәге көн базасын булдырабыз», — диде Шәйхразиев.

Бөтендөнья татар конгрессының «Милли шура» советы рәисе республикада бюллетень татар һәм рус телләрендә басылган, дип өстәде. Аның сүзләренчә, бу тагын бер кат милли республикалар өчен Конституция — туган телне үстерергә мөмкинлек бирә торган терәк булуын раслый.

Исегезгә төшерәбез, 1 июльгә кадәр тавыш бирергә мөмкин булачак. Татарстанда моның өчен 65 территориаль һәм 2809 участок сайлау комиссиясе эшли. Моннан тыш, республикада ачык һавада тавыш бирү өчен 370 мәйданчык оештырылган.

Чыганак: Татар-информ

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading