Янгын эчендә һәлак булган

Кичә кичке тугыз тулганда Казанның Ямашев проспектындагы күпкатлы йортта янгын чыга. Анда өлкән яшьтәге хатын-кызның үлеме теркәлгән. “Татар-информ” мәгълүмат үзәге хәбәр иткәнчә, җиденче каттагы фатирда көнкүреш техникасы һәм кием-салым яна башлаган. Янгын эчендә өлкән яшьтәге хатынның гәүдәсе табылган. Аш бүлмәсендә аның туганы да булган. Аны коткаручылар шунда ук табибларга тапшырган. Әлегә янгынның килеп чыгу сәбәпләрен ачыклыйлар. Ярты сәгатьтән янгын сүндерелгән.