Әнигә нәрсә бүләк итим?

Бу көнне әниләргә булган мәхәббәт һәм рәхмәт хисләре барысын да берләштерә. Россиядә Әниләр көнен гадәттәгечә ноябрьнең соңгы якшәмбесендә билгеләп үтәләр. Быел бәйрәм 24 ноябрьдә узачак.

Безнең илдә Әниләр көне чагыштырмача күптән түгел, 1993 елдан үткәрелә башлады. Россиядә аны беренче тапкыр Якутиядә билгеләп узганнар. Моны республиканың беренче президенты Михаил Николаев безнең җәмгыятьтә ана булуның әһәмиятен ассызыкларга теләп башкара.

Әниләр көненә бүләк өчен идеяләр

«Әнигә нәрсә бүләк итәргә?» - бу сорау белән һәрбер кешенең үзенең башын вата.  Чәчәкләр – универсаль, хәтта мәҗбүри бүләк. Алар әниләрнең кәефен күтәрәчәк, өйне якты буяулар белән җанландырачак. Чәчәк бәйләме янына хат куегыз. Анда үзегезнең иң җылы хисләрегезне һәм рәхмәтегезне белдерегез.

Ихлас булыгыз һәм чын күңелдән языгыз.
Әниегез бәйрәмнәргә еш кына нәрсә пешерә: бәлеш, үрдәк яки тортмы? Бәйрәм көнендә бу эшне үз өстегезгә алыгыз, аның яраткан ризыгын әзерләгез.
Бүләк сайлау күбесенчә әниегезгә нәрсә кызыклы булуына бәйле, ягъни бүләк сайлаганда аның кызыксынуларын исәпкә алырга кирәк. Һәм, әлбәттә, шуны онытмагыз: иң зур бүләк - сезнең игътибарыгыз.

-    Хуҗабикәләр көнкүреш өчен бүләкләргә - текстильгә, савыт-саба җыелмаларына һәм аш-су формаларына, җылы башмакларга, китапларга һәм техникага шат булачаклар.
-    Чәчәк бәйләме урынына гөл бүләк итәргә була.
-    Спорт белән шөгыльләнүче әниләр яңа формага, гантельләргә, скакалка һәм башка инвентарьга, су шешәсенә, йога келәменә һәм залга еллык абонементка шат булачаклар.

-    Косметика һәм парфюмерия кибетләрендә spa-боксларга, әниегезнең яраткан хушбуйларына, массажерларга, парфюмерия кремнарына игътибар итегез.
-    Автомобиль сөючеләр термоска, инструментлар җыелмасына, кар көрәгенә һәм органайзерга шат булачаклар.
-     Гаилә фотосурәтләре белән матур итеп бизәлгән альбом үткәрелгән моментлар турында кыйммәтле истәлекләрне сакларга теләүчеләр өчен бик яхшы вариант булачак. 

-    Бүләк сертификатының күп кенә өстенлекләре бар. Аның ярдәмендә кибетләр, матурлык салоннары, рестораннар һәм башка оешмалар хезмәтләре өчен түләргә мөмкин. Өстәвенә, мондый бүләкне уңайлы вакытта файдалану мөмкинлеге дә бар. 
-    Вакытны бергә үткәрү гарантияле рәвештә яңа тәэсирләр бирәчәк. Театрга, күргәзмәгә, концертка барырсызмы яки зур булмаган сәяхәткә вакыт табарсызмы - якын кешеләр даирәсендәге вакыт әниегез өчен сюрприз булачак һәм озакка истә калачак. 

-    Уйлап карагыз, әниегез нинди яңа шөгыльләр үзләштерә ала? Бәлки, ул беркайчан да шәм, рәсем,  кружка ясамагандыр һәм шеф-повар белән бергә ризык әзерләмәгәндер?. Иң яхшысы әнине якыннары: ире, балалары яки дус кызлары белән яздыру. Мондый мастер-класс аның кәефен күтәрәчәк.
-    Әниегез гаиләнең барлык әгъзаларын бергә күрү белән бәхетле булачак. Әгәр дә мизгелне фотограф төшерсә, җылы хатирәләр озакка калачак. Студиядә яки урамда фотосессия уздыру мәҗбүри түгел. Фотографны кичке ашка һәм гаилә җыелган вакытка чакырыгыз.
Әниләр көне – тормышыбызның иң мөһим кешесенә багышланган үзенчәлекле бәйрәм. Онытмагыз, бу көнне иң кыйммәтлесе — әниегез белән үткәргән вакыт. Истәлекләр аның белән гомер буена калачак һәм ул туганнарын сагынган көннәрдә аны җылытачак.

Лилия Яфизова
Фото: ru.freepik.com