Кырым халкын яклап митинг үткәрелә

Бүген 17 сәгатьтә Казанның Меңъеллык мәйданында, Кырым Автономияле Республикасын, аның күпмилләтле халкын яклап митинг уздырыла. Митингны оештыручылар - «Россия ветераннар берләшмәсе» гомумроссия иҗтимагый оешмасының Татарстан бүлекчәсе һәм «Ватан» төбәк иҗтимагый яшьләр оешмасы. Оештыручыларның нияте - митинг ярдәмендә Россия һәм Украина халыклары арасындагы дуслыкны саклау.
Шуны да әйтеп китәргә кирәк: Татарстанда, Кырым халкына ярдәм итү йөзеннән, акча җыю оештырылды. Бу башлангычны Татарстан Президенты Рөстәм Миңнеханов та хуплады.