#Җәмгыять 18 февраль 2014, 09:57

Салават унике катлы йорт төзи

18 февраль 2014, 09:57

Казан үзәгендә, төгәлрәге, Һади Такташ урамында җырчы Салават унике катлы сәүдә үзәге төзергә ниятли, дип хәбәр итә «РБК-Татарстан», шәһәрнең баш архитекторы Татьяна Прокофьева сүзләренә сылтама ясап.

Скопировать ссылку

Кабан күленнән ерак түгел җирдә урнашачак унике катлы йорт проектында күңел ачу үзәкләре, кунакханә һәм паркинг булдыру да күздә тотыла. Проектны Илсур Метшин җитәкчелегендәге Казанның тарихи үзәгендә төзелешләр идарәсе комиссиясе хуплаган. Хәзерге вакытта Татарстан Президентының җавабын көтәләр. Татьяна Прокофьева әйтүенчә, бу бик тә үзенчәлекле проект булырга тиеш. Аның нинди формада төзелүе турындагы ахыргы карар әлегә кабул ителмәгән. Ул шулай ук проект формасында гына. Авторлары да оптималь карарга килә алмый.

Кызыклы яңалыкларны күзәтеп бару өчен Т елеграмга кушылыгыз.

#250