16+

Исеме генә түгел, җисеме дә кирәк

«Шәһри Казан»ның 9 октябрь санында Рәмис Латыйповның «Яшьләргә президент кирәк» дигән мәкаләсе басылып чыкты. Бу мәкаләне газета битләреннән укыганчы ук мин әлеге темага язарга исәпләп йөри идем. Ниһаять, язар өчен тагын бер шарт барлыкка килде, фикерләрем тагын да куера төште.

«Шәһри Казан»ның 9 октябрь санында Рәмис Латыйповның «Яшьләргә президент кирәк» дигән мәкаләсе басылып чыкты. Бу мәкаләне газета битләреннән укыганчы ук мин әлеге темага язарга исәпләп йөри идем. Ниһаять, язар өчен тагын бер шарт барлыкка килде, фикерләрем тагын да куера төште.

Рәмис Латыйпов Татарстан президенты атамасын саклап калу өчен көрәшкә күтәрелгән яшьләрне мактый. Аларның халык өчен зур эш эшләгән каһарман яшьләр булуын ассызыклый. Мин дә аның фикере белән өлешчә килешәм. Әмма шулай да мине бу проблема һәм аның чишелеше башка яктан кызыксындырды. Президент сүзе тирәсендә кузгалган бәхәсләрне, югары идарә вәкилләреннән башлап, яшьләргә кадәр бу атаманы яклап чыгуын мин аерым игътибарга лаек вакыйга дип саныйм. Инде туксанынчы еллар әллә кайчан артта калган, безнең татар халкы күптән үз сүзен әйтмәскә, әйтергә тырышканнарны да ишетмәскә вәгъдә биргән дә амин тоткан дип яши идем. Ә монда шундый хәл. Кемнәр диген әле, яшьләр беренче булып үз сүзен әйтә алды. Һәм нәкъ менә хәзер аларның исемнәре халык арасында ишетелде дә. Алайса Бөтендөнья татар яшьләре форумы рәисе Тәбрис Яруллин, аның урынбасары Айрат Фәйзрахманов икәнлеген кайдан белер идем. Һәрхәлдә, татар матбугаты белән даими танышып барырга тырышсам да, татар мәдәни дөньясыннан читтә яшәмәсәм дә, бу исем-фамилияләр белән алданрак очрашканым булмады. Казан дәүләт университетын башка университет-институтлар белән берләштереп, андагы татар филологиясе һәм тарихы факультеты юкка чыкканда да, БДИны бары тик рус телендә генә тапшырырга рөхсәт ителгәндә дә, татар мәктәпләре ябыла башлагач та һәм башка күп кенә вакыйгалар барышында да бу яшьләр, аңлавымча, күләгәдә калып килде. Әллә бу мәсьәләләрне республика икътисады үсешендә мөһим түгел бер хәл дип кабул иттеләрме? Әллә үз сүзләрен ни өчендер пышылдап кына әйттеләрме? Белмәссең. Әмма аларның пассивлыгын берничек тә аңлый алмыйм. Эх, шулчакта да бүгенгедәй актив булсалар... Менә бит әле алар инициативасы белән башланган эш аркасында хәзер Россия Президенты Владимир Путин үзе имзалаган канунны үзгәртеп яздыртырга тиеш була. Минемчә, бу - республика югары хакимият органнары белән яшьләрнең бергәләшеп эш алып баруының зур нәтиҗәсе. Монысы бер хәл. Тагын бу мәсьәләнең икенче ягы да бар әле.

Тик без Президент атамасы тирәсендәге бәхәсләр вакытында төп хикмәт исемдә генә түгел, җисемдә икәнлеген дә оныттык шикелле, шул сәбәпле эчем поша. Минтимер Шәймиев һәм Рөстәм Миңнеханов та рухи көчкә ия, акыллы шәхесләр. Аларның нәкъ менә шундый булулары яшәешебезнең дәрәҗәсен билгели дә. Киләчәктә алар кебек шәхесләр идарәгә килсә генә безнең республика үсешен дәвам итә алачак. Безнең әле начар президент күргән юк. Күрергә дә язмасын. Киләчәктә дә президентларыбыз әйбәт булсын иде дип телисе килә. Ә яшьләр фикерләрен һәрвакыт шулай курыкмыйча әйтеп, җәмәгатьчелеккә җиткерсеннәр, халык язмышы өчен ут янып яшәсеннәр иде.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading