16+
#Җәмгыять 27 февраль 2026, 10:46
1056
0
1

2026 елдан минималь хезмәт хакы арта: эш бирүчеләргә һәм хезмәткәрләргә нәрсә белергә кирәк?

27 февраль 2026, 10:46
1056
0
1

2026 елның 1 гыйнварыннан Татарстанда бюджеттан тыш секторда эшләүчеләр өчен минималь хезмәт хакы 27 093 сум булачак.

Скопировать ссылку
2026 елдан минималь хезмәт хакы арта: эш бирүчеләргә һәм хезмәткәрләргә нәрсә белергә кирәк?

2026 елның 1 гыйнварыннан Татарстанда бюджеттан тыш секторда эшләүчеләр өчен минималь хезмәт хакы 27 093 сум булачак.

 Минималь хезмәт хакы нәрсәне аңлата?

Әгәр хезмәткәр ай дәвамында эш вакытын тулысынча эшләп бетерә һәм үз бурычларын үти икән, аның айлык хезмәт хакы 27 093 сумнан ким булырга тиеш түгел. Бу — закон таләбе.

Хезмәт хакы ничек түләнергә тиеш?

Хезмәт хакы:

* айга кимендә ике тапкыр түләнә;
* акча исәпләнгән чор тәмамланганнан соң 15 календарь көннән дә соңга калмыйча бирелергә тиеш;
* түләү көннәре оешманың эчке кагыйдәләрендә яки хезмәт килешүендә күрсәтелә.

Хезмәт хакын вакытында түләмәү — закон бозу булып санала.

Кемнәрдә хезмәт хакы МРОТтан кимрәк булырга мөмкин?

Кайбер очракларда хезмәт хакы 27 093 сумнан түбән булырга мөмкин. Мәсәлән:

* хезмәткәр тулы булмаган эш көне белән эшләсә;
* айның бер өлешендә отпускта яки авыру сәбәпле эштә булмаса;
* вакытлыча эшләгәндә.

Бу очракта хезмәт хакы эшләгән вакытка карап пропорциональ рәвештә исәпләнә.

Өстәмә түләүләр ничек исәпләнә?

МРОТ белән чагыштырганда, гадәти шартлардагы хезмәт хакы гына исәпкә алына. Төнге эш, ял көннәрендә эшләү, өстәмә сәгатьләр, район коэффициентлары кебек өстәмәләр аерым түләнә һәм минималь хезмәт хакына “кертелеп югалырга” тиеш түгел.

Шулай ук шуны истә тотарга кирәк: әгәр эш бирүче документларда эш вакытын кыскартып күрсәтеп, чынлыкта хезмәткәрдән тулы эш көне таләп итә икән, бу өстәмә эш дип санала һәм ул югарырак күләмдә түләнергә тиеш.

Закон бозу өчен җаваплылык бар

Минималь хезмәт хакын түләмәү яки хезмәт хакын вакытында бирмәү өчен эш бирүчегә административ җаваплылык каралган.

Әгәр сезнең хезмәт хокукларыгыз бозыла дип саныйсыз икән, Татарстан Дәүләт хезмәт инспекциясенә, прокуратурага яки судка мөрәҗәгать итә аласыз.

Кая мөрәҗәгать итәргә?

Сорауларыгыз булса, 8 (843) 528-27-40 телефоны буенча “кайнар линия”гә шалтырата аласыз.

Моннан тыш, эш бирүчеләр дә, хезмәткәрләр дә үз-үзләрен тикшерү өчен онлайн-сервис куллана ала:
[https://онлайнинспекция.рф](https://онлайнинспекция.рф)

Татарстан Дәүләт хезмәт инспекциясе

җитәкчесе урынбасары
Алсу Зәйнетдинова
 

Кызыклы яңалыкларны күзәтеп бару өчен безнең МАХ каналына кушылыгыз. 

Вход на сайт

Восстановить пароль Зарегистрироваться

Язмага реакция белдерегез

1

0

0

0

0

Реакция язылган инде

Комментарийлар

Теркәлергә

Мөһим

loading

Безнең Вконтакте төркеменә языл!

Подписаться