Акча астында шартлаткыч булырга мөмкин

Россия Гадәттән тыш министрлыгының Татарстандагы Баш идарәсе дә бу уңайдан кулланма бастырды. Анда: 
— Чит әйберләрне, гомумән. таныш булмаган әйберләрне дә, бигрәк тә җәмәгать урыннарында караусыз калдырылганнарын да алырга ярамый.;
— «Тимә, олыларга хәбәр ит» - мөһим кагыйдә. 
— Әгәр корал яки бомбага охшаган предмет тапсаң, полициягә яки ашыгыч хезмәтләргә хәбәр итәргә кирәк. Моны 112 (ашыгыч хезмәтләрне чакыру өчен бердәм номер) номеры аша эшләргә була.
— Чит кешеләрдән дә бернәрсә дә алырга ярамый, хәтта тышкы яктан берәр зыянсыз нәрсә тәкъдим итсәләр дә. Шулай итеп, сагыз яки тәм-томнар аша наркотик матдәләр таратырга мөмкиннәр.

Бер тапкыр ялгышканчы, йөз тапкыр сак булу яхшырак. Тагын бер киңәш-өйдә кат-кат бу темага сөйләшү. 
Өлкәннәрнең бурычы-балаларны куркыту түгел, ә аларны сак булырга өйрәтү. Чөнки гади кагыйдәләрне үтәү  гомерне саклап калырга һәм имгәнүләрдән котылырга мөмкин.