Бакчачылык ширкәтендә рәсмиләштерелмәгән җирне сатып алып буламы?

– Мондый очрак бакчачылык ширкәтләрендә еш очрый. Әмма шуны аңларга кирәк: рәсми документларда теркәлгән өлешне генә сату-алу мөмкин. Димәк, әлеге очракта сез башта милеккә рәсмиләштерелгән 3,2 сутый җирне генә сатып ала аласыз. Сату-алу килешүе дә нәкъ шул мәйданга төзеләчәк.

Аннары инде сезгә:
1. Бакчачылык ширкәте әгъзасы булып керергә;
2. Гомуми җыелыш аша калган җирне бүлеп бирү мәсьәләсен күтәрергә;
3. Участок чикләрен рәсмиләштерү һәм кадастр исәбенә кую процедурасын узарга кирәк булачак.
Канун буенча бакчачылык ширкәте территориясендәге җирләрне бүлү турында карарны гомуми җыелыш кабул итә. Әгәр ширкәт әгъзалары каршы килмәсә, кулланыла торган өстәмә мәйданны рәсмиләштерү мөмкин.

Ләкин монда бер мөһим момент бар: документсыз кулланылган җир автомат рәвештә сезнең милеккә күчми. Ул бары тик:
* Бакчачылык ширкәте ризалыгы булганда;
* җир чикләре расланганда;
* кадастр инженерлары үлчәү үткәргәннән соң;
* Росреестрда теркәлгәч кенә рәсми милек булып саналачак.

Шуңа күрә сатып алыр алдыннан:
* участокның кадастр документларын;
* Бакчачылык ширкәтенең җир планы һәм уставын;
* гомуми җыелыш карарларын карау мөһим.
Кайчак документсыз кулланылган җирләрне соңыннан рәсмиләштерү мөмкин булмый. Шуңа күрә мондый килешүгә кергәнче барлык хокукый нечкәлекләрне ачыклап бетерергә кирәк.

Лилия Гайнуллина әзерләде