Никита Кузнецов ярты елдан артык юлда. Ул Казахстан һәм Кыргызстан аша Үзбәкстанга килеп җиткән. Әмма сәяхәтен әле тәмамларга җыенмый.
Скопировать ссылку
Никита Кузнецов ярты елдан артык юлда. Ул Казахстан һәм Кыргызстан аша Үзбәкстанга килеп җиткән. Әмма сәяхәтен әле тәмамларга җыенмый.
Күз алдына китерегез: аркада авыр рюкзак, алда - меңнәрчә чакрым юл. Машинага утырып бару мөмкинлеге дә бар, тик син җәяү атлауны сайлыйсың. Казаннан чыккан 29 яшьлек Никита Кузнецов нәкъ шулай сәяхәт итә. Аның бу юлы башланганга инде ярты елдан артык вакыт узган.
Машинага утырмый, җәяү атлый
Никита 2026 елның 9 маенда Казаннан юлга чыккан. Башта аның максаты Казахстанның Алматы шәһәренә барып җитү булган. Әмма сәяхәтче моның белән генә чикләнмәскә карар кылган. Казахстанны, Кыргызстанны үтеп, ул Үзбәкстан башкаласы Ташкентка килеп җиткән.
187 көн эчендә Никита якынча 4600 чакрым юл үткән. Бу - алты миллионга якын адым дигән сүз!
Ташкентта аны җирле татарлар каршы алган. Бу хакта Үзбәкстан Татар иҗтимагый мәдәни-агарту үзәге активисты Нариман Кәримов «Татар-информ» мәгълүмат агентлыгына хәбәр иткән.
Аның сүзләренчә, Никита үз сәяхәтенең кагыйдәсенә тугры кала - юлны җәяү генә үтә. Татарлар аны машина белән илтеп куярга тәкъдим итсәләр дә, сәяхәтче ризалашмаган.
Комментарийлар