#Җәмгыять 09 июнь 2025, 10:38

Белоруссия вәкилләре Балык Бистәсе Сабан туена кызыгыплар үлә инде

09 июнь 2025, 10:38

Россия Президенты Владимир Путин тәкъдимендә, 2025 ел – Ватан сакчысы елы.

Скопировать ссылку

Белоруссия вәкилләре Балык Бистәсе Сабан туена кызыгыплар үлә инде

Россия Президенты Владимир Путин тәкъдимендә, 2025 ел – Ватан сакчысы елы.

Балык Бистәсе район Сабан туе да Җиңүнең 80 еллыгы һәм Ватан сакчысы елы шигарендә үткәрелде.

Балык Бистәсе муниципаль районы башлыгы Радик Ислямов районда федераль һәм республика программаларын гамәлгә ашырудагы теләктәшлеге өчен Татарстан Рәисе Рөстәм Миңнехановка рәхмәт әйтте. Игенчеләрне, башка тармаклардагы хезмәт алдынгыларын, үрнәк гаиләләрне котлады.

– Махсус хәрби операциядә катнашкан һәм катнашучы райондашларга аерым рәхмәт! Исән-сау булып, җиңү яулап кайтуларын телибез! – диде Радик Ислямов.

Республиканың хезмәт, эш белән тәэмин итү һәм социаль яклау министры Эльмира Зарипова район халкына хезмәт уңышлары теләде, Татарстан Рәисе Рөстәм Миңнехановның сәламләү хатын җиткерде. “Гасырлар дәвамында кунакчыл мәйдан төрле яшьтәгеләрне, милләттәгеләрне һәм диндәгеләрне үзенә җыя. Бәйрәм күпмилләтле Татарстан халкының тату яшәвен һәм мәдәни яктан бер-берсен баетуын ачык чагылдыра”, – дигән юллар бар әлеге хатта.

Балык Бистәсе районында да төрле милләт кешеләре дус-тату яши. Хезмәт тә, бәйрәмнәр дә бергә. Сабан туена күрше-тирә районнар халкы да җыела. Хезмәттәшлек элемтәләре урнаштырылган Белоруссиядән дә зур делегация берничә ел рәттән Балык Бистәсе Сабан туенда катнаша. “Татар халкының милли бәйрәме – Сабан туе гаҗәеп матур һәм күңелле. Белоруссиядә көз көне Уңыш бәйрәме колачлы итеп үткәрелә, безгә дә рәхим итегез!” – диделәр белоруслар.

Бәйрәм профессиональ һәм үзешчән артистларның концерты, уен-бәйгеләр белән үрелеп барды. Балык Бистәсе район Сабан туеның 2025 елгы абсолют батыры булып Данил Хәйриев калды.

Кызыклы яңалыкларны күзәтеп бару өчен безнең МАХ каналына кушылыгыз.

‹ ›