Дарулар кыйммәтләнә: кайсы препаратларга ихтыяҗ кимегән?

Даруханәләрдә сату күләме кимегән

Бер даруханәдә бер төрле, икенчесендә башка бәһа куелган. Монополиягә каршы федераль хезмәт кирәкле 13 даруның бәяләренә анализ ясаган. Алар арасында авыртуны баса торган дарулар, тамак авыруларын дәвалау өчен препаратлар, шулай ук йөткерүдән дарулар бар.

Сүз тормыш өчен кирәкле һәм иң әһәмиятлеләре исемлегенә керми торган препаратлар турында бара, ә аларга бәяләр дәүләт тарафыннан җайга салынмый икән. Ә исемлеккә кермәгән дарулар да гражданнар өчен арзан бәядән сатылырга тиеш.

Статистика мәгълүматлары буенча, 2026 елның гыйнвар-июнендә даруханәләр аша 2,35 млрд дару төргәге сатылган. Бу үткән ел белән чагыштырганда 3,1 процентка кимрәк. Шул ук вакытта беренче ярты елда ваклап сатуда 1 трлн сумнан артык дару җибәрелгән, бу 10,9 процентка күбрәк.

Гадәттә даруханәләр рецептлар буенча эш итә. Ә рецептсыз препаратларга ихтыяҗ кимүе ачыкланган. Сәбәбе — салкын тиюнең аз булуы, онлайн белән конкуренция һәм экономияләү тенденциясе булган. Сатуның алга баруы исә симерүгә каршы препаратлар һәм кулланучыларның кыйммәтрәк даруларга алуына бәйле булган.

Ваклап сату гыйнвар-июнь нәтиҗәләре буенча 3,2 процентка, 2,15 млрд төргәккә кадәр кимегән. Аналитиклар сатуларның кимүен эрерәк төргәкләргә күчү белән бәйли. Зур төргәкләр даруханәгә сирәгрәк йөрергә мөмкинлек бирә һәм арзанга төшә. Тагын бер фактор — ассортиментның яңаруы. Заманчарак һәм нәтиҗәлерәк препаратлар алдагы буын даруларын алыштыра, аларны озаграк кулланырга һәм зур микъдарда алырга мөмкин.

Фармбелгечләр сатып алучыларның ешрак экономияли башлавын әйтә. Алар арзанрак аналогларны сайлый, даруларны сирәгрәк сатып ала һәм ташламаларны эзли. Салкын тиюгә каршы препаратларга һәм витаминнарга ихтыяҗ иң нык кимегән. Рецептсыз дарулар сату өченче ел рәттән кими. Вируска каршы препаратлар (ВИЧ-инфекцияне дәвалау өчен чаралардан тыш) тамак авыруларын һәм анальгетикларны — 11 процентка, микробларга каршы чаралар — 10 процентка кимегән, салкын тиюгә каршы һәм йөткерүгә каршы препаратлар — 14,4 процентка, системалы вируска каршы препаратлар — 13,5 процентка кимегән.

Даруханәләр керемнәрен югалта

Төп сәбәп итеп гыйнвар-апрельдә грипп һәм ОРВИның кискен булмавын атыйлар. Авыруның кимүе профильле даруларга ихтыяҗны гына киметми. Даруханәгә кергәндә сатып алучылар еш кына өстәмә рәвештә өй даруханәсе өчен товарлар сатып алалар яки даруларны акция буенча сатып та алалар. Моннан тыш, грипп хроник авыруларның катлаулануына һәм кискенләшүенә китерә, аларны дәвалау өчен даруханәгә кабат йөрергә кирәк булачак.

Даруханә базарын үстерүнең төп чыганакларыннан берсе шикәр диабеты һәм авырлыкны киметү өчен киң кулланыла торган препаратлар булган. Авырлыкны киметү өчен препаратларны даруханә челтәре өчен бигрәк тә табышлы икән.
Даруханәләр керемнәрен югалта. Барыбыз да беләбез, хәзер ихтыяҗ аеруча онлайнга күчә бара. Керемнәр махсуслаштырылган онлайн-агрегаторларда, ә гадәти даруханәләр заказлар бирү пунктлары булып тора. Агрегаторлар бәяләрне чагыштыру мөмкинлеген күрсәтә, бәя конкуренциясен көчәйтә.

Сатып алучы бер мәйданчыкта даруханәнең үз бәясен һәм шул ук ноктага илтеп җиткерү белән агрегаторның арзанрак тәкъдимен күрә ала. Онлайн-мәйданчыкларга дару булмаган ассортиментларның да бер өлеше китә. Сатып алучылар даруханәләрдә дару һәм БАДтан тыш башка товарларны сирәгрәк сатып ала, барысы да акрынлап универсаль маркетплейсларга күчә.

Беренче кварталда күп еллар эчендә беренче тапкыр гамәлдәге даруханәләрнең чагыштырма кереме кимүе теркәлгән. Бу инде төрле яңа нокталар ачуга бәйле. Июнь аенда Россиядә 87,47 мең даруханә учреждениесе эшләгән, үткән ел белән чагыштырганда 1,68 меңгә күбрәк.

Зифа Шәйдуллина