Эчәр суың сыйфатлымы?

Тик ни кызганыч, республикада булган инженерлык челтәрләренең торышы мактанырлык түгел. Республиканың торак-коммуналь хуҗалыгы бүген ни хәлдә? Бу хакта матбугат конференциясендә узган очрашуда җиткерделәр.

Челтәрләр тузган 

Инженерлык коммуникацияләренең нык тузуы Татарстанның Торак-коммуналь хуҗалыгының иң мөһим проблемаларының берсе булып кала. Вәзгыятьне төзәтү өчен республикада максатчан эш башкарыла. Узган ел ике төп программа буенча финанслауның гомуми күләме 12,5 миллиард сумнан артып китеп, 419 чакрым челтәрне яңартырга һәм 168 объектны файдалануга тапшырырга мөмкинлек бирә. 

Үзәкнеке бераз кимеде

— Коммуналь программалар буенча барлык муниципаль берәмлекләрдән дә гаризалар күп килә. Без әлегә быелгы дәрәҗәдә республика программасын формалаштырырга ниятлибез. Федераль программага килгәндә, ул бераз кимеде. Федераль бюджет акчалары күләме киләсе елга якынча 720 миллион сум тәшкил итәчәк, ул бераз кимеде.

Чагыштыру өчен, быел ул бер миллиард ике йөз иде. Бу уңайдан төбәкләрнең дә финанслау өстәлә. Шунысын да әйтергә кирәк, республика буенча кыскартулар көтелми, — ди республиканың Төзелеш, архитектура һәм торак-коммуналь хуҗалык министрлыгының торак-коммуналь хуҗалык идарә җитәкчесе Айрат Галләмов. 

Сездә ни хәлләр?

Халыкны эчәр су белән тәэмин итү программасы 95 процентка үтәлгән. 95 объектта эш башланган булган, шуның бишесендә генә эш калган. Чистарту корылмаларын модернизацияләү һәм канализацияне капиталь ремонтлау 99 процентка үтәлгән. Күп балалы гаиләләр өчен бирелгән җир кишәрлекләренә суүткәргечләр сузу 95 процент эшләнелгән. Бюджет учреждениеләрендә котельныйларны үзгәртү программалары тулысынча башкарылган.