Казан ветеринарлары этләрне терки башлый

Күчмә хезмәтнең урыны һәм эш вакыты:
Киров районы: 
1 февраль 
Адрес: Салават Күпере торак массивы. Арсланов урамы, 8 йорт, «Алиска» зоокибете янында. 
Эш сәгате: 10:00 нан 14:0.0 
 
Авиатөзелеш һәм Яңа Савин районнары: 
8 февраль
Адрес: Ярминкә мәйданчыгы (Шатровая ярмарка), Беломорская урамы, 69 йорт. 
Эш сәгате: 10:00 нан 14:00. 
  Совет районы: 
15 февраль
Адрес: Горки-Әмәт урманы, парковка 1, Җиңү проспекты ягыннан. 
Эш сәгате: 10:00 дән 14:00. 

Мәскәү районы: 
22 февраль
Адрес: Левченко бистәсе, «Полимер» мәдәният йорты янында.
Эш сәгате: 10:00 нан 14:00 
 
Идел буе һәм Вахитов районнары: 
2 март 
Адрес: Старые Горки торак массивы, Артельная урамы, 10 йорт, №76 мәктәп каршындагы мәйданчык. 
Эш сәгате: 10:00 нан 14:00. 

Теркәү процедурасы ничек уза? 
Ветеринария табиблары йорт хайваннарын караячак, микрочип урнаштырачаклар һәм барлык документларны рәсмиләштерәчәкләр. Сезгә гариза язарга һәм хезмәт өчен түләргә генә калачак. Бөтен процедура якынча 15 минут вакытны ала. Чип урнаштыру процедурасы бөтенләй куркынычсыз һәм авырттырусыз –  чип этнең тиресе астына махсус шприц кулланып кертелә. Чипның зурлыгы дөге бөртеге кадәр, шуңа күрә ул хайванга бернинди уңайсызлыклар тудырмый.

Нинди хайваннар теркәлергә тиеш? 
2025 елның 1 гыйнварыннан яңа карар нигезендә хуҗалары этләрен теркәтергә тиеш. Әмма шулай ук мәчеләр, көзәннәр, куяннар һәм башка вак йорт хайваннарны да теркиләр.

Кирәкле документлар: 
Процедураны узу өчен эт хуҗасына түбәндәге документларн кирәк: 
- Теркәлү (прописка) турында тамга куелган паспорт. 
- Салым түләүченең идентификация номеры (ИНН). 
- Этнең ветеринария паспорты (әгәр булмаса, чиплаштырганда эшләнә). 
Бу документлар сезнең этегез турындагы мәгълүматны мәгълүматлар базасына кертү өчен кирәк.