Марат Әхмәтов Лотфулла Шәфигуллинга Дәүләт Советы депутаты таныклыгын тапшырды

Исегезгә төшерәбез, 3 апрельдә ТР Үзәк сайлау комиссиясе Лотфулла Шәфигуллинны җиденче чакырылыш Дәүләт Советы депутаты итеп теркәде. Депутат мандаты Фәрит Мөхәммәтшинның депутат вәкаләтләрен вакытыннан алда калдыруы нәтиҗәсендә барлыкка килде.

Лотфулла Шәфигуллин инде өч чакырылыш (дүртенче, бишенче һәм алтынчы) Дәүләт Советына депутат итеп сайланган иде, Икътисад, инвестицияләр һәм эшмәкәрлек комитетын җитәкләде. Лотфулла Шәфигуллин – РФ атказанган элемтә хезмәткәре, ТР атказанган икътисадчысы, Халыкара элемтә академиясе академигы.

Марат Әхмәтов Лотфулла Шәфигуллинга депутатлык эшчәнлегендә уңышлар теләде.

Җиденче чакырылыш Дәүләт Советында Лотфулла Шәфигуллин Законлылык һәм хокук тәртибе комитеты составында эшләргә ниятли.

Билгеле булганча, Татарстанда «Кадрлар» илкүләм проекты гамәлгә ашырыла.

ТР Дәүләт Советы матбугат хезмәте