«Мылтыклар белән команданың бурычны үтәү ихтималы ике тапкырга артачак»

Бүген Казан мэры Илсур Метшин «Махсус хәрби операция зонасындагы хәрбиләргә мылтык һәм сугыш кирәк-яракларын тапшыр» акциясендә катнашты. Махсус хәрби операция зонасындагы хәрби частьларның берсе өчен шома көпшәле ИЖ-27 мылтыгын һәм 250 патрон тапшырды. Әлеге программада теләсә кайсы кеше катнаша ала. Корал кабул итү Росгвардиянең ТР буенча идарәсенең Казандагы лицензия-рөхсәт эше бүлегендә сишәмбе һәм пәнҗешәмбе көннәрендә алып барыла. Дошман БПЛАсына каршы көрәш программасы башланганнан бирле Татарстан халкы 728 мылтык һәм 25 мең патрон тапшырган.

Акция узган елның августында старт алды, оештыручылар «Zа мирное небо» Хәйрия фонды һәм Татарстанның Росгвардия бүлекчәсе. Мылтыкларны тапшыру өчен шәһәр халкын актив җәлеп итү кирәклеге турында Координация советы утырышында игълан ителде, үтенечкә шәһәр Мэры да җавап бирде. Илсур Метшин махсус операция уздыру зонасындагы хәрби частьларның берсенә ИЖ-27 шома көпшәле мылтык һәм 250 патрон тапшырды.

Бүген мылтыклар һәр икенче сугышчыга кирәк, дип раслый хәйрия фонды җитәкчесе Тимур Эткеев. Фронт линиясе 2 мең чакрымга диярлек сузылган, пилотсыз очу аппаратларының үтеп керү тирәнлеге 40 чакрымга кадәр җитә.

Коралны сишәмбе һәм пәнҗешәмбе көннәрендә Татарстан Республикасы буенча Росгвардия идарәсенең Казандагы лицензия-рөхсәт эше бүлегендә (Лазарев ур., 16) тапшырырга мөмкин. Килешүне һәм кабул итү-тапшыру актын тутырырга кирәк булачак-бу документлар нигезендә мылтык учеттан алыначак. Шулай ук патроннарны тапшырырга мөмкин.
Бүгенге көндә 35 хәрби часть 728 берәмлек корал һәм 25 мең патрон алган инде. 
Бүгенге көндә Татарстанда 39 меңгә якын корал хуҗасы теркәлгән, аларда 44 меңнән артык берәмлек исәпләнә.
Корал һәм патроннар кабул итү сишәмбе һәм пәнҗешәмбе көннәрендә Росгвардиянең ТР буенча идарәсенең Казанда Лицензия-рөхсәт бирү эше бүлегендә алып барыла. Барлык сорауларны халык +7(800)10-16-160 телефоны буенча ачыклый ала.