«Олыгая барган саен күрешәсе килеп тора»

Ләкин ул гадәти генә түгел. Ә вафат булган сыйныфташларының рухына багышлап Корьән ашы итеп үткәрелгән. 

– Сигезенче класска кадәр һәм урта мәктәпне бергә укып чыккан вафат булган классташларыбызны, укытучыларыбызны искә алдык, - ди Алсу апа Шаһиева. – Очрашу авыл мулласының Корьән укуыннан башланып китте. Һәрбер классташны исемләп әйтеп искә алдык, рухлары шат, җаннары тынычта булсын дип догалар укылды. Гомумән алганда, еш очрашабыз. Бигрәк тә олыгая барган саен күрешәсе килеп тора, бер гаилә әгьзалары сыман, барысы да уртак, шөкер. Очрашуларыбыз да күңелле үтә, үзебезнең артистларыбыз, җырчы баянчыларыбыз, һәвәскәр композиторларыбыз бар. 

Чара ахырында һәрбер килгән кеше зур канәгатьлек һәм бик күп эмоцияләр белэн таралышкан.
– Очрашу мизгелләре күңелләрне кузгатырлык якты, шатлыклы хисләр тудыруын аңлатып бетерә торган гына түгел, искиткеч җылы мөнәсәбәттә үтте ул. Шуңа күп көч салган һәркемгә рәхмәт. Тормыштагы онытылмас мизгелләр гади генә әйберләрдән барлыкка килә: якын итеп елмаюлардан, кирәкле вакытта әйтелгән җылы сүзләрдән, көтелмәгән очрашулардан, яхшы хәбәрләрдән. Алга таба очрашулар булып торсын иде, - ди Алсу апа.