Рөстәм Миңнеханов: «Әтнә районында хезмәт сөючән кешеләр яши»

Миңнеханов Шәкәнәс авылында «Тукай» ҖЧҖнең 2400 баш мөгезле эре терлеккә исәпләнгән комплекста булды. Биредә 114 кеше эшли. «Карусель» сыер саву технологиясе кулланыла. Көнлек уртача савым 60 тоннага җитә. Татарстан Рәисенә комплекс биналарын күрсәттеләр.

Шунда ук Рөстәм Миңнеханов Әтнә районы хуҗалыклары җитәкчеләре һәм авыл җирлекләре башлыклары белән очрашты.

Муниципалитет җитәкчелеге хәбәр иткәнчә, кырларда эшләр штатлы режимда бара. Орлыклар җитәрлек, техника барлык кирәкле әйберләр белән тәэмин ителгән.

Татарстан авыл хуҗалыгы һәм азык-төлек министры Марат Җәббаров билгеләп үткәнчә, райондагы барлык фермаларда да диярлек заманча җайланмалар урнаштырылган. Шәхси хуҗалыклар буенча район бер дәрәҗәдә тора, аларда 2,5 мең баш мөгезле эре терлек исәпләнә.

Рөстәм Миңнеханов хуҗалыклар җитәкчеләренә бердәм эшләре өчен рәхмәт белдерде. Ул республикада гамәлгә ашырыла торган барлык дәүләт программалары да дәвам ителәчәгенә ышандырды. Шул ук вакытта Татарстан Рәисе юл эшләренә аерым басым ясады, быел җирле әһәмияттәге юлларны ремонтлау һәм төзүнең зур күләмдә планлаштырылуын ассызыклады.

Татарстан Рәисе үзенең телеграм-каналында «Әтнә районында хезмәт сөючән кешеләр» дип язып, пост та урнаштырды.

Чыганак: Татар-информ