Рөстәм Миңнеханов «Татарстанда җәй» республика проектына старт бирде

Фестиваль мәйданчыгында Татарстан Рәисе Рөстәм Миңнеханов булды. Ул балаларга шөгыльләнергә тәкъдим ителгән активлыклар белән танышты һәм республика яшьләре белән аралашты.

"Кадерле балалар, сезне берьюлы ике вакыйга белән котлыйм, - диде Рөстәм Миңнеханов сәламләү сүзендә. - Бу 1 июнь-Балаларны яклау көне һәм «Татарстанда җәй» программасы старт ала.

Рөстәм Миңнеханов бүген иртән Казан яшь тамашачы театрында булды, анда реконструкция төгәлләнеп килә һәм якын арада театр эшли башлаячак, шулай ук Киров дамбасы ярындабассейнлы зур комплекс төзелде, дип сөйләде. "Безнең республикада мондый вакыйгалар – театрлар, парклар һәм скверлар ачылу - болар барысы да балалар файдасына. Бүген без сезнең белән бергә шатланабыз», – диде ул, чарада катнашучыларга мөрәҗәгать итеп.

Искәртәбез, бүген Казан Кремлендә төрле мастер-класслар уза, интерактив мәйданчыклар әзерләнгән. Моннан тыш, республика предприятиеләреннән яшьләрне һөнәри юнәлеш бирү буенча программа оештырылган. Яшүсмерләр төрле һөнәрләрнең үзенчәлекләре турында белә ала.

"Бүген Казанның төрле мәйданчыкларында һәм бөтен республикада Балаларны яклау көненә багышланган бәйрәм чаралары уза. Балалар, әти-әниләре белән аралашып, күңелле вакыт үткәрә алалар», - диде Татарстанда Беренчеләр Хәрәкәте Россия балалар һәм яшьләр хәрәкәтенең төбәк бүлеге җитәкчесе Тимур Сөләйманов.

Рөстәм Миңнехановка шулай ук Беренчеләр Хәрәкәтендә катнашучылар тарафыннан эшләнгән берничә проектны тәкъдим иттеләр. Бу - "Беренчеләр Почтасы. Россиянең мәдәни картасы" - балалар хат язалар һәм балалар типографиясендә открыткалар бастыралар һәм аларны Россиянең башка шәһәрләренә җибәрәләр. Икенче проект - "Игелек мәктәбе". Балалар шулай ук Рөстәм Миңнехановка «Мәктәп музее Мин ата-бабаларым белән горурланам» проекты, «Татарча экология» экологик үсеш проекты турында сөйләделәр. Бу проектларның барысы да Татарстан Республикасы Рәисе грантларын откан.

ТР Рәисе Матбугат хезмәте