Соңгы 3 елда сәламәтлекләре чикле балаларның саны 14 процентка арткан

Җиденче чакырылыш ТатарстанР Дәүләт Советының сигезенче утырышында Татарстанның бала хокуклары буенча вәкаләтле вәкиле Ирина Волынец шулай дип белдерде. 

Соңгы өч елда сәламәтлекләре чикле балаларның саны 14 процентка арткан. Бүген Татарстанда мондый балалар 32 меңнән артык. 
– Бу шартларда бала хокуклары буенча вәкаләтле вәкил инициативасы һәм республика Рәисе Рөстәм Миңнеханов тарафыннан хупланган «Менталь сәламәтлек» ведомствоара проекты мөһим. Мәгариф, сәламәтлек саклау, социаль яклау системасында ведомство үзәкләре һәм ярдәм хезмәтләре булдырылды һәм эшли. Ата-аналарга ярдәмгә балалар өчен көндезге стационары булган социаль яклау учреждениеләре спектры киңәя. Спорт министрлыгы мәгълүматларына караганда, республикада ОВЗ белән балалар өчен программалар гамәлгә ашыручы балалар өчен алты дәүләт һәм муниципаль спорт оешмасы эшли, аларда 288 бала шөгыльләнә. Күрәсең, әлеге күрсәткечләр үзенчәлекле балаларның ата-аналары ихтыяҗын һәм теләген канәгатьләндерә алмый. Безгә билгеләнгән проблемаларны хәл итү чаралары турында бергәләп уйларга кирәк. Заманча балалар психиатрия хастаханәсен төзү мәсьәләсе дә актуаль булып кала бирә, – диде ул.