Татарстанда туризмны үстерүгә субсидияләр алуга конкурс игълан ителде

Шулай ук яңа юнәлеш тә барлыкка килгән – М-12 магистраленә караган автомобиль юллары янында туристлык инфраструктурасының капиталь булмаган объектларын төзү. Субсидия эшчәнлекләрен Татарстан территориясендә алып баручы эшмәкәрләргә генә бирелә, дип ассызыклап үтте Татарстанның туризм буенча дәүләт комитеты рәисе урынбасары Анастасия Софьина матбугат очрашуында. Спикер сүзләренчә, туристлык инфраструктурасын үстерүгә –18 миллион сум, вакыйга туризмына – 30 миллион сум һәм автомобиль туризмы өчен инфраструктура булдыруга 48 миллион сум бирелә. Субсидияләр алуга заявкалар 28 августтан 27 сентябрьгә кадәр кабул ителә.

Идел буе федераль округында кемпинг һәм автотуризм индустриясе берлеге вәкаләтле вәкиле Андрей Горностаев билгеләп үткәнчә, караванинг һәм автотуризм белән кызыксынучыларның саны арта бара. “Автосәяхәтләр өчен 2023 елда иң популяр юнәлешләр арасында Татарстан 16 нчы урында булса, 2025 елда ул өченче баскычка күтәрелгән. Бу М-12 магистрале барлыкка килү белән бәйле. Димәк, бу тармакның потенциалы бик зур. Шул ук вакытта автосәяхәтчеләр өчен туристлык инфраструктурасы булу да мөһим. Субсидия ярдәмендә төзеләчәк инфраструктура сәяхәтне тагын да уңайлы итәчәк” дип белдерде спикер.