«Хезмәт ветераны» исемен кемнәр ала һәм нинди ташламалар каралган?

Дәүләт дистә еллар буе эшләгән кешеләрнең казанышларын таный һәм аларга ярдәм тәкъдим итә. Әлеге статуска бәйле бөтен нәрсәне федераль дәрәҗәдә 1995 елның 12 гыйнварындагы 5-ФЗ номерлы закон җайга сала.

Хезмәт ветераны исеме бер тапкыр бирелә. Аны алга таба расларга кирәкми. Таныклык вакыты чикләнмәгән, документларның ялган булуы ачыкланса, аны суд аша гына мәхрүм итәргә мөмкиннәр.

Исем төрләре: аерма нәрсәдә?
Барлыгы өч төре бар:
-Федераль. 5-ФЗ номерлы законның 7 статьясы буенча бирелә. Статус бөтен Россия буенча гамәлдә, таныклыкта махсус билге ясыйлар. Аңа ия булганнар гарантияләрнең база җыелмасын ала.
-Төбәк. Моны РФнең конкрет субъекты гамәлгә куя. Статус территориягә бәйләнгән. Мисал өчен, Омскидан Казанга күчәсез икән, ташламаларны, мөгаен, югалтачаксыз. Стаж һәм моңа кадәр булган казанышлар туры килсә, статусны Татарстан кагыйдәләре буенча яңадан алырга мөмкин.
-Корпоратив. Аерым бер предприятие әлеге исемне үз хезмәткәрләренә бирә ала. Аның буенча ташламалар компания җитәкчелеге хәл иткәнчә генә чикләнә: бәйрәмнәргә бүләкләр, ялга өстәмә көннәр һәм башкалар.

Кем ала: стажга һәм бүләкләргә таләпләр
5-ФЗ номерлы Федераль закон РФ Хезмәт Ветераны исеменә дәгъва кылырга хокуклы гражданнарның ике төп категориясен тасвирлый.
Әлеге исемнәр кемдә бар, шуларга бирелә: СССР яки РФ орденнары яки медальләре; СССР яки РФ мактаулы исемнәре; РФ Президентының Мактау грамоталары яки Рәхмәт хатлары; хезмәттәге казанышлары өчен ведомство билгеләре.

Ведомство билгеләре белән мөһим шарт бәйле. Сезне бүләкләгән тармакта хезмәт стажы кимендә 15 ел булырга тиеш. Шул ук вакытта гомуми стаж — ир-атлар өчен 25 ел һәм хатын-кызлар өчен 20 ел.

Махсус шарт буенча
Бирегә Бөек Ватан сугышы елларында балигъ булмаган килеш эшләгән кешеләрне кертәләр. Ир-атларга кимендә 40 ел, хатын-кызларга кимендә 35 ел хезмәт стажы кирәк. Кайбер төбәкләр үз таләпләрен куя. Мәсәлән, «Мурманск өлкәсе хезмәт ветераны» статусы өчен ир-атка төбәк территориясендә 40 ел эшләргә кирәк, хатын-кызга – 35.

Ташламалар исемлеге: торак-коммуналь хуҗалыктан алып протезлауга кадәр
Дәүләт ярдәмнең гомуми юнәлешләрен «Ветераннар турында»гы Законның 22 маддәсендә беркетте. Ә менә конкрет тулылануны, суммаларны һәм кагыйдәләрне инде төбәкләр үзләре билгели. 

Федераль дәрәҗәдә нәрсә тәкъдим итәләр: пенсия белән тәэмин итү һәм пособиеләр түләү; айлык акчалата түләү (ЕДВ). Конкрет сумма еллык индексация исәбеннән алына; торак шартларын яхшыртуда ярдәм (мохтаҗ дип танылганнар өчен); торак һәм коммуналь хезмәтләргә чыгымнарны компенсацияләү; медицина һәм протез-протопедик ярдәм.

Төбәкләр моны үстерә ала. Социаль яклау яки хөкүмәте сайтында ташламаларның тулы исемлеген белешә аласыз.

Ярдәмне акчага алыштыру 
Әйтик, сезнең санаторийга барасыгыз килми ди. Ләкин нигә ярдәм итүдән баш тартырга? Аны акчага әйләндерергә мөмкин. Билгеле бер ташламадан баш тарту турында гариза бирегез, һәм төбәк аның урынына акчалата компенсация түли башлаячак. Компенсация күләмен акча алу өчен мөмкин булган хезмәтләрнең конкрет исемлеген һәр төбәк үзе билгели. Төгәл сумманы сезгә җирле социаль яклау бүлегендә яки МФЦда әйтәчәкләр.

Лилия Яфизова әзерләде