Рөстәм Миңнеханов: «Әтнә районы республикада, гадәттәгечә, үрнәк районнарның берсе»

Республика Рәисен Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров һәм Әтнә районы башкарма комитеты җитәкчесе вазыйфаларын башкаручы Рөстәм Хисамиев озата йөрде.

Рөстәм Миңнеханов "Тукай" ҖЧҖнең сөт комплексында булды. Хуҗалыкта 114 кеше эшли. 2400 башка исәпләнгән комплекс 4 сыер абзарыннан, бозаулату бүлегеннән һәм «Карусель» системасы буенча сөт саву җайланмасыннан тора. Яңа туган бозаулар өчен махсус бокслар оештырылган. Тәүлеккә 70 тонна моно азык җитештерә торган үз терлек азыгы цехы бар.

Комплексны караганнан соң Рөстәм Миңнеханов Әтнә районы хуҗалыклары җитәкчеләре һәм авыл җирлекләре башлыклары белән очрашты.

Район җитәкчелеге кырларда эшнең штат режимында баруы турында хәбәр итте. Орлыклар җитәрлек, техника җитәрлек. Бүгенгә чәчү эшләре 52%ка - 14,3 мең га мәйданда башкарылган. Арпа, сабан бодае, борчак, солы тулысынча диярлек чәчелгән. Башлыча бөртеккә кукуруз, техник һәм азык культуралары чәчәсе калган. Көзге культуралар 6503 га мәйданда чәчелгән.

Республика авыл хуҗалыгы һәм азык-төлек министры билгеләп үткәнчә, райондагы барлык фермаларда да диярлек заманча җайланмалар урнаштырылган. Шәхси ярдәмче хуҗалыклар буенча район бер дәрәҗәдә тора, 2500 башка якын терлек.

Рөстәм Миңнеханов хуҗалыклар җитәкчеләренә бердәм эшләре өчен рәхмәт белдерде. Ул билгеләп үткәнчә, республикада гамәлгә ашырыла торган барлык дәүләт программалары дәвам иттереләчәк. Моннан тыш, республика Рәисе юл эшләренә аерым басым ясады, быел җирле әһәмияттәге юлларны ремонтлау һәм төзү буенча зур күләмнәр планлаштырылуын ассызыклады. "Гомумән алганда, Әтнә районы республикада, гадәттәгечә, үрнәк районнарның берсе», - дип белдерде Рөстәм Миңнеханов.

Татарстан Рәисе шулай ук Җиңү көнен бәйрәм итүгә әзерләнүгә дә игътибар итте. Рөстәм Миңнеханов һәр Бөек Ватан сугышы ветеранын, МХОдә катнашучыларны һәм аларның гаиләләрен кайгыртырга өндәде.

ТР Рәисе Матбугат хезмәте