#Авыл 25 апрель 2013, 08:12

Сөтнең майлылыгын ничек арттырырга?

25 апрель 2013, 08:12

«Сыерыбыз сөтенең майлылыгы берара бик яхшы була, ә кайбер вакытта нигәдер кимеп китә. Сөтнең майлылыгына нәрсә тәэсир итә - шуны аңлатсагыз иде? Рәзилә Сәйфуллина, Лаеш».

Скопировать ссылку

Сыер сөтенең майлылыгына тәэсир итә торган күптөрле факторлар бар. Түбәндәгеләре майлылыкны арттыра: мал-туарның көндәлек туклану рационында протеин булу (15 проценттан да ким түгел), сыерларны төнге вакытта да көтү, эссе вакытта су кертү, өч тапкыр саву, баллы тамыразык ашату (шулай ук аның калдыклары да файдалы), йод, цинк һ.б. микроэлементлар, катнаш үләнле көтүлекләрдә көтү, малны чиста тоту, тиешенчә тукландыру һ.б.
Ә менә рационда кобальт җитмәү, малларны эссе вакытта көтү сөт майлылыгын бермә-бер киметә, диелә www.big-fermer.ru сайтында.
Шуны да исәпкә алыгыз: яз һәм җәй айларында бозаулаган сыер сөтенең майлылыгы көз-кыш айларында бозаулаганына караганда күбрәк була.

Кызыклы яңалыкларны күзәтеп бару өчен безнең МАХ каналына кушылыгыз.

#250