Татарстанда шәхси ярдәмче хуҗалыкларга ярдәм көчәйтелә

Бу фикер алышулар нәтиҗәсендә шәхси ярдәмче хуҗалыкларга ярдәм күрсәтүдә үзгәрешләр кертү турында карар кабул ителде.

Субсидия күләме арта

Ихатада сыер асрауның икътисади максатчанлыгын арттыру максатыннан, бер башны асрауга субсидия ставкасы 6300 сумнан 10 000 сумга кадәр арттырылачак. Бу карар авыл кешеләренә ярдәм итәргә һәм терлек баш санын саклап калырга мөмкинлек бирәчәк.

Үгез бозаулар сатып алу мөмкинлеге киңәя

Моннан тыш, шәхси хуҗалык өчен үгез бозаулар сатып алу чыганакларын киңәйтү тәкъдиме хупланды. Хәзер юридик затлардан тыш, үгез бозауларны шәхси эшкуарлардан һәм крестьян (фермер) хуҗалыклары башлыкларыннан да сатып алып булачак. Бу терлек сатып алу процессын гадиләштерәчәк, шул ук вакытта ветеринария куркынычсызлыгын тәэмин итеп, хайваннарны җирле, тикшерелгән фермерлардан сатып алырга мөмкинлек бирәчәк.

Эре мөгезле терлек симертү буенча мини-фермалар

Мөһим яңалык буларак, ярдәмнең яңа юнәлешен гамәлгә кертү — шәхси хуҗалыкта эре мөгезле терлек симертү буенча мини-фермалар төзү билгеләнде. Бу карар шәхси ярдәмче хуҗалыкларда эре мөгезле терлек баш санын арттыруны стимуллаштырырга һәм аларның эш нәтиҗәлелеген күтәрергә тиеш.

Әлеге чаралар шәхси ярдәмче хуҗалыклар алып баручы авыл кешеләре өчен сизелерлек ярдәм булачак һәм республика агросәнәгать комплексын үстерүгә, азык-төлек иминлеген арттыруга һәм авылда социаль-икътисади хәлне яхшыртуга булышлык итәчәк.

 Автор фотолары