Йомыркага бәяләр ник арткан?

Йомыркага бәяләр арту соңгы вакытта иң актуаль темаларның берсе булып тора. Бу турыда сөйләшүләр, тикшерүләр әле дә алып барыла. Россиянең монополиягә каршы федераль хезмәте дә моның сәбәбен ачыклау белән мәшгуль. Алар йомыркага бәяләр артуның Россия базарында сөйләшенеп эшләнгән булуын да кире какмый. Тикшеренү эшләре Ставрополь краенда, Липецк һәм Ульяновск өлкәләрендә бара. Россия кошчылык берлегендә исә йомыркага бәя артуның сәбәбен җимнең кыйммәтләнүе белән аңлаталар.