#Дин 06 октябрь 2020, 13:52

65 яшьтән өлкәнрәкләргә мәчеткә йөрүдән тыелып торырга киңәш ителде

06 октябрь 2020, 13:52

Татарстан мөселманнары Диния нәзарәте намаз уку вакытында саклык чаралары күрергә һәм өлкән яшьтәгеләргә мәчетләргә барудан тыелып торырга киңәш итә.

Скопировать ссылку

"Хөрмәтле дин кардәшләребез! ТР мөселманнары Диния нәзарәте җәмәгать намазларында саклану чараларын үтәү кирәклеге турында искә төшерә.

Сездән сулыш органнарын индивидуаль саклау чараларыннан (битлекләрдән) файдалануыгызны һәм мәчетләргә шәхси намазлык белән йөрүегезне үтенәбез.

ТР мөселманнары Диния нәзарәте 65 яшьтән өлкәнрәкләргә һәм сәламәтлегенә зыян килер дип курыккан, иммунитеты какшаган кешеләргә мәчеткә барудан тыелып торырга киңәш итә", диелә нәзарәтнең рәсми сайтында.

Кызыклы яңалыкларны күзәтеп бару өчен безнең МАХ каналына кушылыгыз.