Балага Кыш бабай бүләге дип бүләк бирергә ярыймы?

Рөстәм хәзрәт Хәйруллин белдергәнчә, баланы алдарга кирәкми. «Үзебез балаларыбызны алдыйбыз да, аннары гаҗәпләнәбез: нишләп балам мине алдый? Бүләкне бит әтиегез сатып алган. Яки әтиегездән эштән бирделәр. Нәкъ шулай ук дип әйтегез дә: «Әтиеңнең җитәкчесе бүләкне сиңа җибәргән, чөнки син яхшы кешенең малае, яхшы кешенең кызы». Алдамагыз, балаларыгызны алдамагыз, чөнки без үзебез шулай балаларыбызны алдарга өйрәтәбез. Кирәкмәс ул», дип киңәш бирә хәзрәт.