Үлгән кешенең бурычын кем түләргә тиеш?

Башы.
ВАФАТНЫҢ БУРЫЧЛАРЫ
Үлгән кешенең бурычлары булса, мирасы бүленгәнче, аларны түләп бетерү дөрес була. Пәйгамбәребез әйтте: «Мөэминнең җаны бурычын башкалар түләгәнгә кадәр, аның белән бәйләнгән булып калыр».

Казага калып та, соңыннан үтәлмәгән уразалары булган кешенең үзеннән калган малыннан (тотылмаган уразалары өчен) фидия сәдакасын бирү тиеш (ваҗиб). Әгәр шундый васыять әйткән кеше вафат булса, калган малының өчтән бер өлешен, кылынмый калган уразалары өчен дип, фидия итеп бирү варисларына ваҗиб була.