“Мин Аллаһы Тәгалә газабыннан куркам”

Беренчесе: курыккан хәлдә гамәл кылып та, гөнаһ эшләүне дәвам итү.  Әгәр кеше: “Мин Аллаһы Тәгалә газабыннан куркам”, – дип әйтеп, ул гөнаһлардан сакланмаса, бу сүз аңа файда бирмәс.

Икенчесе: әҗер-савапка өметләнеп, әмма теләмичә гамәл кылу. Әгәр кеше: “Мин Аллаһы Тәгаләдән савап өмет итәм”, – дип әйтеп, ул савапны теләмәсә, изге гамәлләр кылу белән аның сүзе һичнәрсәгә файда бирмәс.

Өченчесе: гамәлләр кылуны ниятләсә дә, максаты булмау. Ягъни кешенең күңелендә изге гамәлләр һәм гыйбадәт кылырга ният булса да, йөрәге белән максат куймас.

Дүртенчесе: иҗтиһад кылмыйча, ягъни тырышлык куймыйча дога кылу.  Кеше Аллаһы Тәгаләгә үзен изгелеккә ирештерсен дип дога кыла, әмма үзе бу юлда тырышмый. Биредә аңа догасы файда бирмәс. Аллаһы Тәгалә аны хакыйкый юлга ирештерсен өчен, кешенең үзенә дә тырышлык кую тиешле.

Бишенчесе: тәүбә итми торып Аллаһы Тәгаләдән гөнаһын гафу итүне теләү. Кеше: “Аллаһы Тәгаләнең гөнаһымны кичерүен телим”, – дип әйтсә дә, кылган гөнаһысы өчен үкенмәс. Болай эшләү аңа бернинди дә файда бирмәс, Аллаһы Тәгалә аны гафу итмәс. 

Алтынчысы: эчке халәтне үзгәртми торып, тышкы халәтне генә үзгәртү. Кеше тышкы яктан эшләрен төзәтсә дә, эчке ягын төзәтми. Аның тышкы яктан гына эшләрен төзәтүе аңа файда бирмәс. 

Җиденчесе: ихласлыктан башка тырышып гамәл кылу. Кеше итагать итүендә тырышса да, гамәлләре Аллаһы Тәгалә өчен булмас. Ихластан кылынмаган гамәлләре аңа файда бирмәс, бу гафиллектә калуга тиң булыр".

Тимергали хәзрәт Юлдашев.