«Миргазиян» мәчетенә ай куелды

Декабристлар урамында урнашкан «Миргазиян» мәчете (элекке «Әл-Ислах» мәчете) манарасына ай куелды. Чарада нәзарәтнең дәгъват бүлеге җитәкчесе Нияз хәзрәт Сабиров, мөфти урынбасары Илдар хәзрәт Баязитов, мәчет имамы Әзһәр хәзрәт һәм мәхәллә картлары катнашты. Мәчеткә айны күтәргәндә хәзрәтләр Аллаһы Тәгаләне зурлап тәкбир әйтеп тордылар. Аннары бертөркем мәхәллә халкы мәчет эченә кереп, анда барган төзелеш эшләре белән танышты. Мәчет эчендә дә Коръән аятьләре укылды, хәзрәтләр, картлар үзләренең изге теләкләрен җиткерделәр.