Мөселман кешесенә Яңа елны каршыларга ярыймы?

– Без аны каршыласак та, каршыламасак та, милади буенча 31 декабрь үтә дә, 1 гыйнвар килә. Бу – календарь, Аллаһы Тәгалә биргән вакыт һәм ул туктамый. Аннан 2 гыйнвар килә, 3 гыйнвар җитә һәм шулай көн исәбе дәввам итә. Пәйгамбәребез салләллаһу галәйһи вә сәлләм: «Кич белән йокларга ятканда тәүбә кылыгыз, Аллаһы Тәгаләдән гафу итүен сорагыз. Мөселман кешесе Аллаһтан киләчәк айларны, елларны хәерле кылуын сорап, дога кылып йокларга ята».