#Дин 24 гыйнвар 2022, 13:26

Рамазан ае алдыннан Казан мәчетләрендә Коръән укырга өйрәтәчәкләр

24 гыйнвар 2022, 13:26

Рамазан җитүгә төгәл ике ай кала Казан мәчетләрендә халыкны Коръән укырга өйрәтәчәкләр.

Скопировать ссылку

Рамазан ае алдыннан Казан мәчетләрендә Коръән укырга өйрәтәчәкләр

Рамазан җитүгә төгәл ике ай кала Казан мәчетләрендә халыкны Коръән укырга өйрәтәчәкләр.

Татарстан мөфтияте һәм КИУның Госман ибне Гаффан исемендәге Коръән хафизлар әзерләү үзәге башкала мәчетләрендә барлык теләүчеләр өчен Коръән укырга өйрәнү дәресләре программасы әзерләде. Махсус оештырылачак курслар атнасына 2 тапкыр ике ай дәвамында гарәп алфавитын, тәҗвид һәм Коръән уку кагыйдәләрен өйрәнүне күздә тота.

Дәресләрне Коръән-хафизлар үзәге белгечләре катнашында Рәҗәб аеның беренче көнендә, ягъни 2 февральдән Казанның 6 мәчетендә башлап җибәрү ниятләнә. Курсларны уңышлы тәмамлаучыларга сертификат тапшырылачак. Әлеге чара Ислам динен кабул итүнең 1100 еллыгы кысаларында үткәрелә.

Пәйгамбәребез Мөхәммәд (с.г.с.)нең хәдисендә болай диелгән: “Раҗәб – чәчү ае, Шәгъбән – су сибү, ә Рамазан – уңыш җыю вакыты”, ягъни Рамазанга әзерлекне мөселманнар 2 ай алдан башлыйлар. Шул ук вакытта Рамазан – Коръән ае булып санала, чөнки бу айда ул иңә башлаган һәм гадәт буенча мөселманнар аны тулысынча укып чыгып өлгерергә омтыла. Шул нисбәттән Нәзарәт унике айның солтаны булган Рамазан-шәриф аен Коръәнне өйрәнүгә багышларга чакыра. Курслар гарәп хәрефләре белән дөрес итеп укырга өйрәтәчәк.

Коръән укырга өйрәнү дәресләре буенча барлык сорау-тәкъдимнәрне 89033062591 телефоны буенча Габдерәшит хәзрәт Фәизовка җиткерергә мөмкин.

Фото: https://dumrt.ru/news/news_26987.html

Кызыклы яңалыкларны күзәтеп бару өчен безнең МАХ каналына кушылыгыз.

#дин #корьән