Су, тәүбә, ният: Рамазанга әзерлекнең төп адымнары

Рухи яктан әзерлек 
Һәр нәрсә нияттән тора. Ниятсез гамәл – буш гамәл. Шуңа да баштан ук рамазан аен мөмкин кадәр файдалы итеп үткәрәчәкмен дип ниятләп куйыйк. Рамазан күп итеп әҗер-саваплар языла, гөнаһлар кичерелә, Аллаһның рәхмәте иңә торган мөбарәк ай ул. Шул ук вакытта ул безнең өчен имтихан да. Имтиханга алдан ук хәстәрләнгән кебек, рамазанга да тырышлык белән әзерләнеп керик. Аллаһы Тәгалә безне гыйбадәт өчен яратты. Ә иң төп гыйбадәтләрнең берсе – ураза. Безнең алда торан бурыч – шул сынауны уңышлы тапшыру. 

Бу айга кергәндә, ифтарларга йөрү кебек рәхәтлекләрне генә түгел, гыйбадәтләребезне тагын да арттыру турында да уйлыйк. Башка рамазан айларыннан аермалы буларак, мин тагын да тырышлык куячакмын дип нииятләп, быелгы ураза аенда Коръән укуны тагын да ешайтыйк, нәфел намазларның санын артырыйк.

Күбрәк тәүбә-истигъфар кылыйк. 
Яулык бөркәнергә өлгермәгән хатын-кызлар хиҗап кию максатын куйса бигрәк тә күркәм булачак. 
Шулай ук гаиләбез турында да онытмыйк. Якыннарабызга игътибарны арттырыйк, туганлык мөнәсәбәтләрен ныгытыйк. 
Һәм иң мөһиме – Пәйгамбәребез салләллаһу галәйһи вә сәлләмнең: “Гамәлләр арасыннан иң хәерлесе – дәвамлы булганы”, – дигән хәдистә әйтелгәчә, рамазан аенда барлыкка килгән матур гадәтләрне алдагы айларда да дәвам итү. 

Физик яктан әзерлек 
Ураза тотарга нитләгән, әмма сәламәтлеге белән проблемалар булган кешеләр рамазан аена кадәр табиб белән киңәшләшеп кую хәерле. Хәзердән үк, организмны чистарту өчен, көне буе су эчеп кенә торырга да була, әмма белгечләр белән киңәшләшергә кирәк. Су эчүне арттырыгыз. 
Артык күп ашау гадәтеннән арына торыгыз.

Шәгъбән аенда ураза тоту да рамазанга бер әзерлек булып тора. 
Рамазан алдыннан хиҗама ясату да файдалы. 
Алдан ук зарарлы гадәтләрдән арыныгыз. 

Дилбәр Гарифуллина әзерләде