“Әюп пәйгамбәр сәламәтлеген дә, байлыгы, балаларын да югалта, әмма Аллаһка ышанычын югалтмый”

Китапның авторы Абдуррауф хәзрәт Зәбиров билгеләп узганча, әлеге хезмәт нибары 1 мең данәдә басылган һәм ул дини уку йортларына, шулай ук имамнарга таратылачак. 

Россия ислам институты ректоры Рәфыйк Мөхәммәтшин билгеләп узганча, ислам дине тарихын өйрәнүчеләр өчен пәйгамбәрләр тарихын белү аеруча мөһим. 

– Моннан биш-алты ел элек “Русское слово” нәшриятында мәктәпләр өчен “Россиядә диннәр тарихы” дигән дәреслек әзерләдек. Исламга кагылышлы бүлеген мин яздым. Аны әзерләгәндә нәшрият директоры белән сүз чыкты.  Ул текстны ислам дине 7 гасырда барлыкка килгән дип үзгәрткән иде. Шунда компромисс вариант табып, 7 гасырда ислам киң таралыш алган дип төзәттек. Бу китап ислам диненең башлангыч чорын өйрәнү өчен бик мөһим. Дини уку йортларында ислам тарихы дигән фән бар, аны пәйгамбәрләр тарихыннан өйрәнә башлыйбыз, – дип сөйләде ул “Пәйгамбәрләр тарихы” китабын тәкъдим итүгә багышланган матбугат конференциясендә.