14 — 20 августка йолдызнамә:

Кучкар (21 март — 20 апрель)

Эштә кемнеңдер урынына эшләп йөрүдән туктагыз: сезнең дә үз бурычларыгыз җитәрлек. Әгәр документ тутырасыгыз яки рәсми эш белән йөрисегез бар икән, имза куяр алдыннан һәр юлны укып чыгыгыз.

Үгезбозау (21 апрель — 20 май)

Көндәлек тормышта бер гадәтегезне алыштырып карагыз. Мәсәлән, иртәнге эшләрне башка тәртиптә башкаруның да вакытны күпме янга калдырып булганын күрсәтер. 

Игезәкләр (21 май — 21 июнь)

Берәр нәрсә сатып алырга җыенсагыз, беренче күргән вариантта тукталмагыз. Берничә җирдә бәясен һәм шартларын чагыштырыгыз. Бу кечкенә генә гадәт соңрак шактый акча сакларга ярдәм итәр.

Кысла (22 июнь — 22 июль)

Кунак көтмәсәгез дә, өстәлгә матур итеп чәй әзерләп куегыз. Үзегезне дә кунак итәргә кирәк. Туганнар арасында кемнеңдер туган көне яки истәлекле датасы якынлашса, бүләкне соңгы көнгә калдырмагыз. 

Арыслан (23 июль — 23 август)

Сезгә бирелгән мактауны шаяртып кына кире какмагыз. Кешенең яхшы сүзен кабул итәргә дә өйрәнергә кирәк. Эш белән бәйле бер очрашуда сез көтмәгән кеше файдалы киңәш әйтер. 

Кыз (24 август — 23 сентябрь)

Кайбер эшләрне һәрчак бер көнгә планлаштырып куярга кирәкми. Иң мөһим өч мәсьәләне сайлап, калганын соңракка калдырыгыз. Күптән кулланмаган банк карталары яки түләүле хезмәтләр барлыгын тикшереп чыгыгыз.

Үлчәү (24 сентябрь — 23 октябрь)

Кием алганда модага түгел, уңайлылыкка өстенлек бирегез. Сезгә килешкән, озак киярлек әйбер күпкә файдалырак. Күршедә яки туганнар арасында берәр мәсьәләгә карата фикерегезне сорасалар, үз карашыгызны әйтегез, әмма соңгы сүзне аларга калдырыгыз. 

Чаян (24 октябрь — 22 ноябрь)

Берәр нәрсәгә ачуыгыз килсә, җавапны шунда ук язмагыз яки шалтыратмагыз. Ун минут көтегез. Шул вакыт эчендә сезнең фикерегез үзгәрергә мөмкин. 

Укчы (23 ноябрь — 21 декабрь)

Сезгә яңа урынга барырга туры килсә, анда ашыкмыйча тирә-якны күзәтегез. Бер кызыклы урынны ачып, киләчәктә тагын барырга теләрсез. Өйдәге бер рецептны туганнарыгыз белән бүлешегез. Бәлки, алар да аны үзләренчә пешереп карар. 

Кәҗәмөгез (22 декабрь — 20 гыйнвар)

Эш турында уйлап, ял вакытын да эшкә әйләндермәгез. Буш көнне өйдәге барлык мәшәкатьләрне берьюлы башкару урынына берсен генә сайлагыз. Калган вакытны үзегез теләгәнчә үткәрегез. Күптән карарга теләгән фильмны яки спектакльне табып карау өчен дә вакыт җитәр.

Сукояр (21 гыйнвар — 19 февраль)

Телефоныгыздагы иске номерларга күз салыгыз. Берничә кеше белән араны яңарту күңелле нәтиҗә бирер. Ләкин үткәннәрне яңадан кайтарырга тырышмагыз.

Балык (20 февраль — 20 март)

Күңелегездә йөргән бер хыялны кәгазьгә язып куегыз. Аның өчен күпме акча, вакыт һәм көч кирәклеген чамалап карасаң, ул инде шулкадәр ерак булып күренмәс. Гаиләдә уртак чыгымнар турында сөйләшергә җай чыгачак. Ачык сөйләшү күп кенә аңлашылмаучанлыкларны алдан ук булдырмас.