Бүгенге көн кичәгесенә караганда әйбәтрәк узачак!: 23-30 апрельгә йолдызнамә

Кучкар (21 март – 20 апрель)
Сез роза чәчәге сыман: тыштан матур, хуш исле, ә үзегез энәләрегез белән кадыйсыз. Йолдызлар сезгә йомшаграк булырга, күңелегезне ачарга киңәш итә.

Үгезбозау (21 апрель – 20 май)
Сезгә бер киңәш: иртә саен көзге алдына басыгыз да: “Бүгенге көн кичәгесенә караганда әйбәтрәк узачак!” диеп кәефегезне күтәрегез. Искәрмә: моның да нәтиҗәсен дару сыман көн саен кулланганда гына тоеп була.

Игезәкләр (21 май – 21 июнь)
Иртә белән йоклап торасыз, ә халәтегез бер минут кына ятып торган сыман. Танышмы? Организмны ныгытыр өчен, күбрәк җиләк-җимеш ашасагыз, файдасы тияргә мөмкин. 

Кысла (22 июнь – 22 июль)
Машинада йөргәндә, без юл кагыйдәләрен истә тотабыз. Тормышта да шулай кирәк. Яшәешнең кәгазьгә язылмаган, әхлакый кагыйдәләре бар. Ә сез аларны колакка элмисез...

Арыслан (23 июль – 23 август) 
Бер урында таптанганыгызны сизәсезме? Чөнки үткәндәге тормыш “йөге” алга барырга ирек бирми, шуңа алга да атлап булмый, артка борылырга да соң. Арыныгыз ул йөктән, киләчәк сезгә күпкә яхшырак бүләк әзерли!

Кыз (24 август – 23 сентябрь)
Вакыт – иң зур кыйммәт. Аны кире кайтарып булмый. Тормышыгызның һәрбер секундының, минутының рәхәтен тоеп яшәгез. Картайгач, юкка яшәмәдем, дип әйтерлек булсын өчен.

Үлчәү (24 сентябрь – 23 октябрь)
Кайвакыт кешеләр кара күзлек кигән сыман: алар өчен бөтен дөнья караңгы һәм начар. Ә сәбәбе дөньяның яманлыгында түгел, аларның “кара күзлекләрен” салмавында. Проблемаларыгызның сәбәбен чишәр өчен, карашны үзгәртергә кирәк. 

Чаян (24 октябрь – 22 ноябрь)
Атна башында эш һәм уку ягыннан “явым төшемнәр” көтелер. Эшкә барыр алдыннан кулчатыр алырга онытмагыз. Җилле һәм салкын температура ял көннәренә кадәр дәвам итәр. Ялларда җылы кояш һәм яхшы кәеф көтелә.

Укчы ( 23 ноябрь – 21 декабрь )
Бер үк вакытта матур булырга да, акыллы булырга мөмкин түгел диләр. Тик сезнең ничектер беренчесе дә, икенчесе дә бик әйбәт килеп чыга. Шул ук рухта дәвам итегез. 

Кәҗәмөгез (22 декабрь – 20 гыйнвар)
Кеше битлек киеп йөрергә ияләшкән: эштә ул башка кеше, дуслары янында башка, өендә гомумән үзгә. Иң мөһиме ул “битлекне” салырга онытмаска кирәк. Башкалар өчен тырышып, үз-үзегезне югалтырга мөмкинсез.

Сукояр (21 гыйнвар – 18 февраль)
Тирә-якта барысы да чәчәк ата, яхшы хәбәрләр бер-берсен алыштырып торырга өлгерми. Башта сәер тоелса да, соңыннан моңа шатланып өлгерә алмый башларсыз. Шуңа бик күп көч җыегыз, чөнки бик күп көлергә һәм елмаерга туры килер. 

Балык (19 февраль – 20 март)
Монда Балыкларның рекламасы булырга мөмкин иде, ләкин сез үзегез өчен иң  яхшы реклама булып торасыз. Сезнең тышкы кыяфәтегез, үз-үзегезне тотышыгыз, башка кешеләрне Балык йолдызлыгы астында туу теләген арттыра.