Куанычлы хәбәрдән башыгыз күккә тияр: 23-30 августка йолдызнамә

Кучкар (21 март - 20 апрель) 
Кучкарларны бернинди авырлыклар да, киртәләр дә куркытмый. Карьерада күтәрелү мөмкинлеген кулдан ычкындырмагыз. Атна азагы файдалы танышу вәгъдә итә.

Үгезбозау (21 апрель - 20 май)
Катлаулы атна. Бу шәхси мөнәсәбәтләргә дә, эшлекле мөнәсәбәтләргә дә кагыла. Күзне кыздыра торган шәп тәкъдим килеп ирешкән очракта, ашыгыч карар кабул итмәскә киңәш ителә.

Игезәкләр (21 май - 21 июнь) 
Үзегездә икеле-микеле уйларыгызны куып таратырга көч тапканда гына проблемаларыгызны хәл итә алырсыз. Шуңа күрә җиң сызганып эшкә керешүегез нәтиҗәлерәк булыр.

Кысла (22 июнь - 22 июль)
Кыслаларны беркем аңламый, сөйгән яры да элеккеге кебек яратмый төсле тоела. Бәлки гаеп сезнең үзегездәдер, ә? Тырнак астыннан кер эзләгәнче, уйларыгызны тәртипкә китерегез.
 
Арыслан (23 июль - 23 август) 
Ерактан килеп ирешкән имеш-мимешләр кәефегезне төшерүе ихтимал. Гайбәтләрне күңелегезгә авыр алмагыз. Күңелегезгә ошаган кешеләр белән генә аралашыгыз.

Кыз 24 август - 23 сентябрь 
Хезмәт хакының югары булуына кызыгып, күңелегез тартмаган эшкә урнашмагыз. Ахырдан терсәк тешләрлек булмасын. Ремонт эшләре башлап җибәрер өчен яхшы атна.

Үлчәү (24 сентябрь - 23 октябрь) 
Куанычлы хәбәрдән башыгыз күккә тияр. Торак шартларын яхшырту өчен уңай атна. Ә акча мәсьәләләрен хәл итәр өчен җомга көн кулай. Бирәчәк әҗәтләрегездән котылырга тырышыгыз.

Чаян (24 октябрь - 22 ноябрь) 
Гайбәтләрне тыңламагыз. Үзегез дә гайбәт сөйләмәгез. Уйламый әйтелгән сүз дуслыкка нокта куймасын. Берьюлы берничә эш эшләп үзегезне хәлдән тайдырмагыз. 

Укчы (23 ноябрь - 21 декабрь) 
Укчыларга азартлы уеннар уйнамаска киңәш ителә. Югыйсә, көч түгеп эшләгән акчагыз ничек керсә, шулай чыгып та китүе бик ихтимал. Акча җыя башласагыз да яхшы булыр.

Кәҗәмөгез (22 декабрь - 20 январь) 
Көтмәгән җирдән акча керү ихтималы зур. Бурычка акча бирмәскә киңәш ителә, чөнки үзегезгә бурычка керергә туры килүе мөмкин. Акчагызны “кысып” тотыгыз.

Сукояр (21 январь - 18 февраль) 
Ни генә булмасын, һәрвакыт елмаегыз. Елмаю сезнең коралыгыз. Ул сезгә утта янмаска, суда батмаска ярдәм итәр. Юл аркылы чыкканда игътибарлы булырга киңәш ителә.

Балык (19 февраль - 20 март) 
Егылудан, имгәнүдән сакланыгыз. Көзгә кергәнче организмыгызны ныгытып калу комачауламас – күбрәк ял итәргә тырышыгыз. Юлга чыгарга әзерләнүчеләрнең юлы уңар.

Фото: https://freepik.com