Поезд билетын кире кайтару кыйммәтләнәчәк: яңа кагыйдәләр 1 декабрьдән гамәлгә керә

Хәзерге 3,70 сум урынына ул билетның юл бәясеннән 1 проценттан 10 процентка кадәр тәшкил итәчәк. Җыем күләме билетны поезд кузгалганчы күпме вакыт алдан кайтаруга бәйле булачак.

Яңа шкала түбәндәгечә:

• 1 процент – поезд китәргә 45 тәүлек һәм аннан күбрәк вакыт калганда;

• 3 процент – 30–44 тәүлек алдан;

• 5 процент – 10–29 тәүлек алдан;

• 10 процент – 9 һәм аннан да азрак тәүлек калганда.

Яңа тәртип 1 декабрьдән сатып алынган билетларга гына кагыла. 30 ноябрьгә кадәр алынган билетларны кире кайтарганда элеккеге 3,70 сумлык җыем сакланачак. Процент исәпләгәндә сервис хезмәтләре һәм урын-җир кирәк-яраклары өчен түләү бәясе исәпкә алынмый. Бу хакта «Татар-информ» хәбәр итә.