Мәхәббәт үлчәү яратмый: 5-11 июньгә йолдызнамә

Кучкар (21 март – 20 апрель)
Күптән үзегезне борчыган сорауга җавап эзлисез кебек. Әмма җавап читтән түгел, эчтән киләчәк. Кеше бөтен дөньяны тыңлап ишетеп тә, үз күңелендәге тавышларны ишетмәскә мөмкин.

Үгезбозау (21 апрель – 20 май)
Тормыш сезгә бу атнада: «Ә син үзең нәрсә телисең?» – дигән сорау бирергә мөмкин. Башкаларга җайлашып яшәүдән арыгансыздыр, бер кечкенә карарыгыз киләсе айларга тәэсир итә ала. 

Игезәкләр (21 май – 21 июнь)
Сүзләрегезнең көче арта. Бер җөмлә белән кешене күтәрергә дә, күңелен төшерергә дә мөмкин булачак. Шуңа күрә бу атнада телегез йөрәгегездән алда чапмасын. 

Кысла (22 июнь – 22 июль)
Бу атнада сезгә дә яңарыш кирәк булыр. Иске үпкәләрдән арынсагыз, күңелегездә урын бушар. Ә буш урынга бәхет керергә ярата.

Арыслан (23 июль – 23 август)
Игътибар үзәгендә булу рәхәт, әмма һәр мактау сүзенә ышанып бетмәгез. Чын кешеләр артык кычкырып сөйләми.

Кыз (24 август – 23 сентябрь)
Барысын да контрольдә тотарга теләү кайчак арканны артык кысып җибәргән кебек була. Кайбер хәлләр сез катнашмыйча да матур гына чишелә ала. 

Үлчәү (24 сентябрь – 23 октябрь)
Мәхәббәт үлчәү яратмый. Йөрәк акыл белән бәхәсләшергә мөмкин. Җиңүче булмас, әмма дөрес юл табылыр.

Чаян (24 октябрь – 22 ноябрь)
Интуициягезгә колак салыгыз. Кемдер матур сүзләр сөйләр, әмма күзләренә дә карарга онытмагыз. Чын җавап шунда булыр.

Укчы (23 ноябрь – 21 декабрь)
Сезнең алда яңа мөмкинлекләр ачылыр. Әмма һәр ишекне дә ачып карау кирәк түгел. Кайберләрен язмыш үзе вакыт җиткәч кенә ачар.

Кәҗәмөгез (22 декабрь – 20 гыйнвар)
Сезгә артка борылып карамаска кирәк. Кайбер кешеләрнең фикере сезне артык борчый башлаган. Үз юлыгыздан барганда, чит тавышлар сүрелә ул.

Сукояр (21 гыйнвар – 18 февраль)
Күңелегездә кечкенә генә давыл купкан булса да, тыштан тыныч күренергә тырышасыз. Әмма һәр нәрсәне эчтә йөртүдән файда юк. Бер сөйләшү күп нәрсәне үз урынына куяр.

Балык (19 февраль – 20 март)
Кайчак язмыш безгә җавап түгел, ишарә генә җибәрә. Бу атнада шундый вак билгеләргә игътибарлы булыгыз. Очраклы сүз, көтелмәгән хәбәр яки иске җыр күңелегездәге сорауга җавап бирергә мөмкин.