Уйлап сөйләү мөһим: 25 февраль – 3 мартка йолдызнамә

Кучкар (21 март – 20 апрель)
Кемгәдер җавап кайтару, үзеңне исбатлау теләге кимер, аның урынына “миңа нәрсә кирәк?” дигән сорау туар. Эш урынында бер карар кабул итәргә туры килер, һәм сез аны гадәттәгечә кызу кан белән түгел, ә салкын акыл белән хәл итәрсез. 

Үгезбозау (21 апрель – 20 май)
Сезнең өчен кадер төшенчәсе үзгәрер. Күп акча түгел, ә вакыт, зур сүзләр түгел, ә җылы караш кыйммәтрәк булып тоелыр. Бер якын кешегез белән сөйләшү йөрәгегезне ачар. Матди яктан тотрыклылык саклана.

Игезәкләр (21 май – 21 июнь)
Әйткән һәрбер фикерегез игътибарсыз калмас. Шуңа күрә уйлап сөйләү мөһим. Бер кызыклы мәгълүмат ишетергә мөмкинсез, ул сезне яңа уйларга этәрер. Белем алу, уку җиңелрәк бирелер. 

Кысла (22 июнь – 22 июль)
Өй эче сезгә көч бирә. Кечкенә генә уңайлыклар, ягъни  яңа пәрдә, яңа савыт-саба, хәтта җыештырылган өстәл дә күңел халәтен үзгәртә. Атна ахырына таба эчке тынычлык ныгый, сез үзегезне рухи яктан камил итеп хис итәсез.

Арыслан (23 июль – 23 август)
Бу атна сезгә сабырлык дәресе бирер. Сез гадәттә алда барырга яратасыз, әмма хәзер бераз читтән күзәтү файдалырак булыр. Эштә бер нәрсә дә тиз генә бармас, ләкин сез аны көчләп “этмәсәгез”, нәтиҗәсе яхшырак булыр. 

Кыз (24 август – 23 сентябрь)
Сез вак нәрсәләрнең зур мәгънәгә ия икәнен күрә башларсыз. Бер кечкенә төзәтү, дөрес вакытта әйтелгән сүз вакыйганы бөтенләй башка якка борыр. Сезнең тәртип яратуыгыз бу юлы тирә-якка да йогынты ясар, чөнки кемдер сездән үрнәк ала башлар. 

Үлчәү (24 сентябрь – 23 октябрь)
Озак вакыт эчендә әйтелми калган сүзләрне йомшак итеп әйтү мөмкинлеге туар. Сез конфликттан качмыйсыз, аны тыныч юл белән чишәргә омтыласыз. Бу сезгә эчке баланс бирә. Сәламәтлек ягыннан да тигезлек мөһим: артык эш тә, артык ял да кирәкми. 

Чаян (24 октябрь – 22 ноябрь)
Бер кеше белән сөйләшү күңелегездәге төенне чишәргә ярдәм итәр. Сез гадәттә көчле күренәсез, әмма бу юлы йомшаклык та файдага эшләр. Эштә бер яңалык булырга мөмкин, ул сезне башта шикләндерер, ләкин соңыннан уңай нәтиҗә китерер. 

Укчы (23 ноябрь – 21 декабрь)
Сезнең күзләрегез еракка карый. Яңа планнар, яңа юллар турында уйлый башларсыз. Күптәнге хыялыгыз кабат искә төшәр. Фикерләрегез киңәяер, тормышка карашыгыз да үзгәрер. 

Кәҗәмөгез (22 декабрь – 20 гыйнвар)
Сез гел үз сүзегездә торасыз, эшегезне төгәл башкарасыз. Шуңа күрә нәкъ менә кемдер сезнең ышанычлы булуыгыга таяныр. Әмма үзегезне артык контрольда  тотмагыз. Сез дә ял итәргә хаклы. 

Сукояр (21 гыйнвар – 18 февраль)
Сезнең фикерләрегез башкаларны гаҗәпләндерергә мөмкин. Ләкин сез моңа күнеккән. Идеяләрегезне яшермәгез! Сәламәтлеккә килгәндә, саф һава һәм хәрәкәт кирәк. 

Балык (19 февраль – 20 март)
Элек борчыган хәлгә хәзер сабыррак карыйсыз. Сез үз-үзегезгә артык кырыс түгел, ә киресенчә — аңлаучан. Атна ахырына таба тормышыгызның шушы мизгеленә рәхмәт хисе тоярсыз.