Үткәнегезгә борылып карагыp:18-25 декабрьгә йолдызнамә

Кучкар (21 март – 20 апрель)
Сезнең фикер белән килешмәүчеләр барлыкка килергә мөмкин. Исегез китмәсен. Эт эрә, бүре – йөри. Чит фикерләр сезне үз юлыгыздан гына тайпылдыра, кирәкме бу сезгә?

Үгезбозау (21 апрель – 20 май)
Ярдәм сорап килүчеләр булса, “юк” дип җавап бирмәгез, көчтән килгән кадәр булышыгыз. Соңыннан үзегезгә меңе белән кайтачак. Күптән вәгъдә биргән сүзегезне үтәргә кирәк булачак.

Игезәкләр (21 май – 21 июнь)
Әгәр дә кемдер булса сезне рәнҗеткән булса, аны гафу итегез. Сез аңа ачу тотып йөрисез, ә ул моның турында белми дә. Аллаһы Тәгалә барысын да күрә. Сезгә киңәш: кибетләргә барып “җилләнеп” кайту.

Кысла (22 июнь – 22 июль)
Гаиләгездә кыенлыклар туарга мөмкин. Беренче чиратта үзегезнең мин-минлегегезне артка куеп, якыннарыгыз турында уйлагыз. Шуңа һәр сүзегезне уйлап әйтегез, бәхәс тудырмагыз. 

Арыслан (23 июль – 23 август) 
“Калган эшкә кар ява” диләр. Инде күптән көтелгән кар да яуды, ә сезнең эшегез һаман да бер урында тора. Җиң сызганып, давыл кузгатып эшләп  алыгыз әле бераз. 

Кыз (24 август – 23 сентябрь)
Без кешеләргә карата ничек, алар да безгә карата шулай. Һәр кеше үзенә тиңне тартып китерә. Шуңа күрә кемдер сезгә каршы дәшсә, гаҗәпләнмәгез. Алмагачта әфлисүн үсә алмый...

Үлчәү (24 сентябрь – 23 октябрь)
Кая акча, шунда Үлчәүләр. Акча дигәннән, бик тиздән керемнәрегез артуы ихтимал. Шуңа да акчаны кая куярга икәнен планлаштырып куегыз. Акча уңай хисләрне ярата, беренче чиратта, күптән хыялланган әйберезне алыгыз.

Чаян (24 октябрь – 22 ноябрь)
Бик җитди очрашулар көтелә. Тышкы яктан да, эчке яктан да әзер торыгыз. Уртак тел таба алу сәләте бу юлы һичшиксез кирәк булачак. Киеменә карап каршы алалар, акылына карап озаталар бит.

Укчы ( 23 ноябрь – 21 декабрь)
Сезне романтик маҗаралар көтә. Яңа танышулардан кала, алдагы тормышыгыздан да барлыкка килүчеләр булыр. Алар хаталарын аңлап, гафу үтенеп килерләр. Ә үткәнне яисә хәзергене сайлау сездән тора.

Кәҗәмөгез (22 декабрь – 20 гыйнвар)
Атна эш һәм бизнес мәсьәләләре өчен бик яхшы туры килә. Сездәге максатчанлык хәтта бик таләпчән кешеләргә дә ошар. Иң мөһиме вак детальләргә дә игътибар бирү.

Сукояр (21 гыйнвар – 18 февраль)
Сез бөтен җирдә алтын урталыкны яратасыз: артык әйбәт тә түгел, начар да түгел; бар нәрсәне белүче галим дә түгел, беренче сыйныф баласы да түгел. Әлеге сәләт чыннан да сокландыра!

Балык (19 февраль – 20 март)
Тормышта кыенлыклар тудымы? Үткәнегезгә борылып карагыз, бәлки сезнең мондый очракка юлыкканыгыз бардыр. Барысын да чагыштырыгыз, үлчәгез, анализлагыз. Сез һичшиксез дөрес юлны сайлаячаксыз!

Фото: ru.freepik.com