Үткәннәрдә артык казынмагыз: 27 февраль – 5 март йолдызнамә:

Кучкар (21 март – 20 апрель)
Хисләрегезне яшермәгез. Күңелегездә әйтелми калган сүзләрне тыймагыз, алар дөньга чыксын. Моның белән бергә җиңеллек килер.

Үгезбозау (21 апрель – 20 май)
Тыйнаклык һәм сабырлык сезнең иң көчле коралыгыз. Башкалар борчылып, шаулашып йөргәндә, сез тыныч кына хәл итү юлларын эзлисез. Бу атнада шушы тынычлыкның нәтиҗәсе бигрәк тә сизеләчәк.

Игезәкләр (21 май – 21 июнь)
Өй-эш-өй режимында яшәп тирә-юнегездә булган хәлләрне игътибарсыз калдырасыз. Ә нәкъ менә алар сезнең тормышка төсле буялар кертергә сәләтле.

Кысла (22 июнь – 22 июль)
Сез бик кайгыртучан кеше. Тик бу кайгырту үзегезгә карата түгел, ә чит кешеләр өчен күбрәк. Башкаларга уңайлы булсын дип түгел, үземә шулай кирәк, дип эшләгез. 

Арыслан (23 июль – 23 август)
Сез болай да җитез, болай да көчле. Ләкин сабырлык та көчле сыйфат. Һәр карарны кызу кан белән түгел, ә салмак уй белән кабул итсәгез, үзегезгә үк рәхмәт әйтерсез. 

Кыз (24 август – 23 сентябрь)
Яллар күңел тынычлыгы алып килер. Өйдәге бер почмак, өстәлдәге кайнар чәй, тәрәзәдән кергән яктылык – барысы да сезгә көч өстәр. 

Үлчәү (24 сентябрь – 23 октябрь)
Зур эшләр зур җаваплылык алып килер. Ләкин моңа йөк итеп түгел, ә яңа биеклеккә күтәрелү өчен мөмкинлек итеп карагыз. Әйе, җиңел булмас, ләкин бу вакытлыча гына. 

Чаян (24 октябрь – 22 ноябрь)
Үткәннәрдә артык казынмагыз. Ләкин киләчәк белән дә артык кызыксынырга кирәкми. Бүгенгесе белән яшәгез. Кичәгене үзгәртеп, иртәгәне фаразлап булмый, шуңа бүгенге көннең тәмен тоегыз.  

Укчы (23 ноябрь – 21 декабрь)
Ялларны өйдә үткәрү хәерлерәк булыр. Сез бары тик өйдә генә чын-чынлап көч җыя аласыз. Шуңа күрә шау-шулы дөнья читтә торып торсын, ә сез рәхәтләнеп ял итегез.

Кәҗәмөгез (22 декабрь – 20 гыйнвар)
Сезгә хас үҗәтлек, кирелек белән чиктәш, һәм бу үз чиратында әйләнә-тирәдәгеләрнең берәрсе белән җитди конфликт сәбәбе булырга мөмкин. Шуңа күрә кайвакыт, үзезегезне генә уйламыйча, башка кешеләрнең хәленә дә керергә тырышыгыз. 

Сукояр (21 гыйнвар – 18 февраль)
Һөнәрләрен үзгәртергә теләгән Сукоярлар өчен менә дигән вакыт якынлаша. Ләкин ал күзлекләр киеп, зур акчалар артыннан кумагыз. Үзегезнең күңелгә яткан эшне эзләгез. 

Балык (19 февраль – 20 март)
Тирә-якта нинди генә үзгәрешләр булмасын, эчке тотрыклылыкны саклагыз. Эштә юл бирә белү сыйфаты кирәк булачак, ә акча мәсьәләсендә – саклык.