Йолдызнамә (8-15 июнь)

Кучкар (21 март - 20 апрель)   
Кучкарларга беренче чиратта үз мәнфәгатьләрен кайгыртырга кирәк. Кешегә ярыйм дип, хәлдән тайганчы йөгермәгез. Йолдызлар приоритетларны дөрес куярга киңәш итә.  

Үгезбозау   (21 апрель - 20 май)
Үгезбозауларга көтмәгән җирдән зур гына күләмдә акча керүе ихтимал. Алдагы көнгә акча туплап кую мөмкинлеге туачак. Киләсе атна башы күңелле хәбәр белән сөендерер.

Игезәкләр (21 май - 21 июнь) 
Игезәкләргә сәламәтлекләренә игътибарлырак булырга киңәш ителә. Хроник авырулар баш калкыту куркынычы зур. Өйдә тынычлык сакларга тырышыгыз, бәхәскә кермәгез. 

Кысла  (22 июнь - 22 июль) 
Кыслаларның сүнде, дип уйлаган хисләре янә кабынып китәргә мөмкин. Кешене түгел, йөрәгегезне тыңлагыз. Хезмәт баскычыннан күтәрелергә теләүче Кыслалар, каушап калмагыз. 

Арыслан  (23 июль - 23 август) 
Кесә ягыгызның калынлыгы сезнең ни дәрәҗәдә эшкә сәләтле булуыгызга, тырышлыгыгызга карый. Күптәнге хыялыгызны тормышка ашырыр өчен кулай атна. Йоклап йөрмәгез!

Кыз  24 август - 23 сентябрь 
Кызларга иммун системасын ныгытырга, сәламәт яшәү рәвешенә күчәргә тырышырга кирәк. Кайчандыр яратышып та, аерылган кешегә карата мәхәббәт хисләрегез яңарыр. 

Үлчәү  (24 сентябрь - 23 октябрь) 
Үлчәүләргә гаилә белән эш арасында “йөгерергә” туры килер. Эшкә игътибарны киметсәгез дә, сезнең файдага түгел. Гаиләдә дә, “эштә югаласың” дип, тавыш-гауга килеп чыгуы ихтимал. 

Чаян  (24 октябрь - 22 ноябрь) 
Чаяннарның тормышында хәлиткеч борылышлар көтелә. Сөйгәнегез белән ике арагызда аңлашылмаучанлыклар килеп чыгарга мөмкин. Сезгә бәхәсне зурга җибәрмәскә, уртак тел табарга тырышырга кирәк. 

Укчы  (23 ноябрь - 21 декабрь) 
Шәхси тормышыгызны җайга салу өчен уңай чор. Ялгыз Укчылар башларын югалтып гашыйк булырга мөмкин. Ә гаиләле Укчыларга йолдызлар сөйгән ярлары өчен романтик очрашу оештырырга киңәш итә. 

Кәҗәмөгез  (22 декабрь - 20 январь) 
Үз эчегезгә бикләнмәгез. Кыюсыз булмагыз, үзегезне иркенрәк тотарга тырышыгыз. Үзегезне тормышта югалып калган кебек хис итәсез, чынлыкта бу алай түгел. Бу бары тик сезнең күңел халәтегез генә.

Сукояр  (21 январь - 18 февраль) 
Күңелегезне борчыган хисләрдән, уйлардан арынырга тырышыгыз. Кыюрак булыгыз, максатыгызга ирешү өчен әнә шул сыйфат җитеп бетми сезгә. Маҗараларга, күңелле вакыйгаларга бай чор.

Балык  (19 февраль - 20 март) 
Беркемгә дә эч серләрегезне сөйләмәгез. Ял итәргә, көч тупларга тырышыгыз. Үзегезне саклагыз. Тормышыгызда кызык хәлләр килеп чыгарга мөмкин.